Almaty qalalyq Máslıhatynyń depýtaty Shýhrad Shardınov Almaty qalalyq ortalyqtandyrylǵan kitaphanalar júıesi KMM dırektory - Roza Kabıevamen jáne qazaqstandyq jazýshylar kitaphanasynyń meńgerýshisi - Agaısa Elenamen kezdesti dep habarlaıddy almaty-akshamy.kz
Almaty qalasynyń Nur Otan partıasynyń saılaýaldy baǵdarlamasyn oryndaý jónindegi Jol kartasynda kitaphanalardy shyǵarmashylyq damý ortalyqtaryna aınaldyrý arqyly tegin shyǵarmashylyq úıirmeler men kovorkıng-ortalyqtardyń sanyn ulǵaıtý kózdelgen. 2021-2022 jyldar ishinde azamattardyń shyǵarmashylyq áleýetin damytý úshin 30 ortalyq ashý jáne jańǵyrtý josparlanýda.
«Álem qarqyndy ózgerýde, sonyń ishinde qoǵamnyń qalyptasýy men azamattardyń qajettiligi. Zamanaýı jáne jaıly keńistikter bizdiń ómirimizge myqtap enedi. Osyǵan baılanysty qalanyń aqparattyq jáne mádenı ınfraqurylymyn belsendi damytý, qalalyqtardyń ıgiligi úshin materıaldyq-tehnıkalyq qamtamasyz etýdi ýaqtyly jaqsartý qajet!» - dedi depýtat.
Jyl saıyn kitaphana qory 3 mln-nan astam adamǵa qyzmet kórsetedi jáne 3,5 myńnan astam is-shara ótkizedi. Osyndaı aýqymdar úshin qalanyń barlyq aýdandarynda kitaphanalardy josparly jańǵyrtý bastaldy, oǵan kovorkıng-ortalyqtar, úıirmeler, klýbtar, sheshendik sheberlik mektepteri, debattar jáne basqa da bos ýaqytty damytý belsendiligi kiredi. Mysaly, OKJ-de barlyq jastaǵy adamdarǵa arnalǵan úıirmelerdiń 100-den astam túri jumys isteıdi, olarǵa 10 myń azamat barady. "ALATAU CREATIVE HUB" jańa mádenı keńistigi shyǵarmashylyq atmosfera, qarym-qatynas jáne oqý úshin servıstik qyzmetter keshenin usynady.
Munyń bári búginde bizdiń azamattar úshin qol jetimdi jáne aqysyz.
«Bizdiń bolashaq urpaǵymyz, balalarymyz jańa formattaǵy kitaphanalarǵa jıi baryp, buqaralyq oqý mádenıetin, ádebıetti, qazirgi zamanǵy ónerdi, sondaı-aq kreatıvti shyǵarmashylyq mádenıetin damyta bastaǵany qýantady», - dedi depýtat Shardınov.