Calvert Journal Film Festival-bul táýelsiz rejıserlerge arnalǵan onlaın-festıval.
«Órkenıet tarıhy» kartınasy Almatydan Londonǵa kóshýge umtylǵan Indıra esimdi qyzdyń ómirin baıandaıdy, dep habarlaıdy Almaty-akshamy.kz
Rejıser Jannat Alshanovanyń «Órkenıet tarıhy» fılmi The Calvert Journal Film Festival 2021 festıvalinde «úzdik qysqa metrajdy fılm» nomınasıasyn jeńip aldy.
Calvert Journal Film Festival-bul táýelsiz rejıserlerge arnalǵan onlaın-festıval jáne platforma, onda olar óz jobalaryn keń aýdıtorıaǵa usyna alady. Festıváldi 2020 jyly The Calvert Journal halyqaralyq jýrnaly qurdy, Shyǵys Eýropa, Balqan, Reseı, Kavkaz jáne Ortalyq Azıanyń mádenıeti men shyǵarmashylyǵyn zertteýge arnalǵan.
«Órkenıet tarıhy» kartınasy Almatydan Londonǵa kóshýge umtylǵan Indıra esimdi qyzdyń ómirin baıandaıdy. Kóshýge bir kún qalǵanda qyzdyń ómirinde ár túrli oqıǵalar bolady.
«Órkenıet tarıhy» fılminiń túsirilimi 2019 jyly Almatyda ótti. Basty róldi Mergen laqap atymen óner kórsetetin ánshi ári kompozıtor Aqmaral Zyqaeva somdady. Qyz úshin bul fılmdegi alǵashqy róli. Onyń kınodaǵy seriktesi sýretshi Aıdar Álimbaev boldy. Qoıýshy-operator Portýgalıadan kelgen Leandro Ferran.
Aıta keteıik, «Órkenıet tarıhy» fılmi buǵan deıin Shveısarıanyń Lokarno kınofestıvalinde «Kúmis Bars» syılyǵyna ıe bolǵan. Sonymen qatar, kartına Toronto International Film Festival (Kanada), Bosphorus International Film Festival (Túrkıa), Prague Shorts (Chehıa), Les Arcs Film Festival (Fransıa) jáne t.b. kınofestıvalderdiń baǵdarlamasyna irikteldi.
Jannat Alshanova sonymen birge óziniń debúttik tolyqmetrajdy «Jeńimpazdardy sórede kórýge bolady» fılminiń jobasy úshin When East Meets West ("Shyǵys Batyspen kezdeskende") birlesken kınoóndiris forýmynda jeńimpaz atandy.