Almatyda kásiporyn jumysshylarynyń 76 paıyzy vaksınanyń birinshi dozasyn alǵan.
Kásipkerlik jáne ınvestısıalar basqarmasynyń basshysy Erkebulan Orazalın Almatyda kásiporyn jumysshylarynyń 76 paıyzy ekpeniń 1-komponentin alǵanyn aıtty, dep habarlaıdy Almaty-akshamy.kz Almaty.tv-ge silteme jasap.
«Qalamyzda 123 jarym myń kásiporyndar 775 myńǵa jýyq jumyskerlerimen vaksınalaýǵa tıesili. Sonyń ishinde medotvodty alǵandardy eseptemegenniń ózinde, 695 myńy vaksına alýy tıis. Búgingi tańda 528 myńǵa jýyq adam vaksınanyń birinshi dozasyn alǵan», – dedi qalalyq kásipkerlik jáne ınvestısıalar basqarmasynyń basshysy Erkebulan Orazalın.
Sonymen qatar, jyl basynan beri Almatynyń óńdeý ónerkásibi salasy aıtarlyqtaı damyǵan. 7 aı ishinde 23,3 paıyzǵa deıin ósim baıqalypty. Odan bólek, qaǵaz jáne qaǵaz ónimderiniń óndirisi 29,9 paıyzǵa, qurylys materıaldary 16,5 daıyn metal buıymdary 56 paıyzǵa deıin ósken eken.
«Ózderińiz bilesizder, ótken jyly ındýstrıaldy aımaqta Húndaı zaýyty ashylǵan bolatyn. Sol jyly 6,5 myńnan astam avtokólik shyǵaryldy. Bıyl da qańtar-shilde aılarynda 12,3 myńnan astam avtokólik shyǵarylǵan bolatyn. Nátıjesinde mashına jasaý salasynda 4,8 esege ósti», – dedi qalalyq kásipkerlik jáne ınvestısıalar basqarmasynyń basshysy Erkebulan Orazalın.