Qalalyqtarǵa jylý jelileri ornalasqan jerlerge kólikterin qoımaý usynylady
Qalanyń 8 aýdanynyń aýmaǵynda jylý jelilerine synaq júrgiziledi, dep habarlaıdy almaty-akshamy.kz «Almaty jylý júıesi» JSHS silteme jasap. Almaty jylý júıesiniń aqparaty boıynsha, 31 tamyz-17 qyrkúıek aralyǵynda jylý júıelerine gıdravlıkalyq synaq júrgiziledi. Osy aralyqta qala turǵyndaryna qaýipsizdik erejelerin saqtap, jylý júıeleri júrgizilgen jerlerge avtokólikterin qoımaýǵa keńes beriledi.
Qalalyq jylý keshenin aldaǵy jylytý maýsymyna daıyndaý maqsatynda jylý jelileriniń jaǵdaıyn baǵalaý jáne qubyrlardyń problemalyq ýchaskelerin anyqtaý úshin gıdravlıkalyq synaq júrgiziledi.
Almaty jylý júıeleri qaýipsizdik sharalarynyń saqtalatynyna qaramastan, jerdiń betine sý nemese býdyń shyǵýy, jol jabynynyń buzylýy sıaqty shtattan tys jaǵdaılar bolýy múmkindigin eskertedi.
Atalǵan jumystardyń naqty qaı aýdandarda jáne qaı kúnderi júrgiziletinin myna jerden oqýǵa bolady.