Almaty polısıasy jalpy jedel izdestirý is-sharalarymen qatar nashaqorlyqtyń aldyn alý jáne halyqtyń esirtkige qarsy ımýnıtetin qalyptastyrý boıynsha da jumystar júrgizýde, dep habarlaıdy Almaty-akshamy.kz Polisia.kz-ke silteme jasap.
«Bul indettiń barlyq jerge taralǵany jasyryn emes. Olardy ınternet arqyly satýdyń baılanyssyz joldary, elektrondy ámıandar, betbelgiler jáne qalalarymyzdyń kósheleri men úılerindegi graffıtı jarnamalary jurtshylyqty tolǵandyrady. Jyl basynan beri esirtkini nasıhattaıtyn 9 myńǵa jýyq graffıtı-sýret anyqtaldy jáne óshirildi. Mundaı jazýlardy anyqtaý jáne joıý boıynsha ákimdiktermen, qoǵamdyq uıymdarmen jáne eriktilermen birlesken jumys uıymdastyrdyq. Esirtki graffıtıin salyp jatqandar da ustaldy. Olar qylmystyq jaýapkershilikke tartyldy», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Sondaı-aq, ol qala ákimdigi men eriktiler osy máselege beıjaı qaramaıtyn sarapshylar, kásipkerler men memlekettik sektor ókilderiniń basyn qosyp, balalar men jasóspirimder arasyndaǵy nashaqorlyq máselesin júıeli deńgeıde sheshetin “Narkostop” jobasyn qolǵa alǵanyn jetkizdi.
«Olardyń qatysýymen esirtkiniń taralýy týraly aqparatty qamtıtyn graffıtı jazýlaryn anyqtaý jáne joıý boıynsha aldyn alý is-sharalary júrgizildi. “Esirtkige birge qarsymyz!!!” jáne “Nazar aýdaryńyz! Beı-jaı qaramańyz” atty kitapshalar taratyldy, onda Almaty qalasy PD Esirtki qylmysyna qarsy kúres basqarmasynyńnyń WhatsApp jedel jeli telefonynyń nómiri 8-705-549-70-25 kórsetilgen. Sonymen qatar atqarýshy bılik organdarymen, jergilikti polısıa qyzmetimen birlesip, qalanyń bilim berý uıymdarynda profılaktıkalyq is-sharalar: naýqandar, semınarlar, dárister, dóńgelek ústelder ótkizilýde», – dedi E.Álmaǵambetov.
Esterińizge sala keteıik, buǵan deıin jyl basynan beri Almatyda 43 esirtki satýshy ustalǵanyn habarlaǵan bolatynbyz.