Oqıǵa Abaı dańǵyly men Naýryzbaı batyr kóshesiniń qıylysynda bolǵan.
Oqıǵa kýágerleriniń aıtýynsha, 6 qyrkúıek kúni tús aýa №79 jolaýshylar avtobýsy Abaı dańǵylynyń boıymen shyǵys baǵytta júrgen. Salonda jolaýshylar bolmaǵan. Júrgizýshi avtobýsty Naýryzbaı batyr kóshesimen qıylystaǵy arnaıy jolaqqa toqtatyp, ájethanaǵa barý úshin shyǵyp ketken.
Qaıtyp oralǵan júrgizýshi ózi joqta qaraýsyz qalǵan avtobýstyń úlken apatqa sebep bolǵanyn kórgen. Ol baqylaýsyz artqa júrip ketip, qıylystan ótip, baǵdarsham janýyn kútip turǵan kólikterge soqtyǵysqan.
Keıin polısıa avtobýs 84 metr jol júrgenin anyqtady. Avtobýstyń soqqysyna alǵash bop urynǵan Land Cruiser kóligi boldy. Ol kúshti soqqydan Kia Rio men Chevrolet Cobalt-ke zaqym keltirgen. Odan keıin avtobýs jol qıylysynda turǵan Kia Optima kóligine soǵyldy.
Apat saldarynan Kia Rio kóliginde bolǵan bir áıel zardap shekti. Ol aýrýhanaǵa jatqyzyldy. Baqytymyzǵa oraı, avtobýstyń jolynda jaıaý júrginshiler, salonda jolaýshylar bolmaǵan. Jol polısıasynyń qyzmetkerleri oqıǵanyń barlyq mán-jaıyn anyqtap jatyr.