20-30 mamyr aralyǵynda “Nazar aýdaryńyz, balalar!” respýblıkalyq jedel aldyn alý is-sharasy aıasynda Almaty qalasynda balalardyń jaraqattanýynyń aldyn alý, sondaı-aq balalardyń jol qozǵalysy erejelerin qatysty bilimin arttyrý jáne jol-kólik oqıǵalarynyń ósýin azaıtý maqsatynda qajetti sharalar qabyldanyp jatyr.
Jalpy, balalardyń quqyqtyq sanasyn arttyryp, jol qozǵalysy erejelerin saqtaı otyryp, jolda óz-ózine abaı bolýdy túsindirý jumystary úzdiksiz júrgizilip jatyr, dep habarlaıdy Almaty-akshamy.kz.
"Almaty qalasynda búginde 215 memlekettik bilim berý mekemesi bar. Oqý jylynda ákimshilik polısıa qyzmetkerleri jol jelisin zertteý jumystaryn júrgizdi. Onyń qorytyndysy boıynsha jol qozǵalysyna qatysýshylardyń nazaryn aýdarý úshin 1408 jol belgileri ornatyldy, 588 – aýystyryldy, 207 rettelmeıtin jaıaý júrginshiler ótkeli jáne jeke jobalanǵan pannolar jaryqtandyrýmen jabdyqtaldy. Balalardyń qaýipsizdigin qamtamasyz etý jáne balalardyń jaraqattanýynyń aldyn alý úshin aımaqtaǵy 80 bilim berý mekemesine temir qorshaýlar ornatyldy", – dedi Almaty qalalyq PD ákimshilik polısıa basqarmasynyń bastyǵy Asqat Qulbaev.
Sondaı-aq Qulbaev osy jyly jol qozǵalysyn basqarýdyń avtomattandyrylǵan júıesine qosylǵan 16 baǵdarsham nysany men shaqyrý túımesi bar 25 basqarylatyn jaıaý júrginshiler ótkeliniń qurylysy boıynsha jumystar júrgizilip jatqanyn atap ótti. Bilim berý mekemelerinde kólik qozǵalysynyń jyldamdyǵyn baqylaý maqsatynda “Sergek” avtomattandyrylǵan baǵdarlamalyq kesheniniń 130 beketi jumys isteıdi.