2023 jyldyń 12 jeltoqsan saǵat 21.00-degi jaǵdaı boıynsha qala men taýly aımaqta12 mm jaýyn-shashyn nemese 22-24 sm qar jaýdy, bul aılyq normanyń 28 %-y
Qar jaýǵan kúnnen bastap joldyń júrginshiler bóligine kóktaıǵaqqa qarsy materıaldar sebilýde.
Trotýar, jalpy paıdalaný oryndary, qoǵamdyq kólik aıaldamalary men jer ústi ótkelderin tazalaý jumysy toqtaǵan emes.
Túngi ýaqytta jol polısıasynyń patrúldik mashınalarynyń súıemeldeýimen qardy tyrmalap tazalaýǵa 17 sypyrý-jınaý mashınalary jolǵa shyqty. Saǵat 00.00-den bastap kezekti qardy tyrmalaý jumysy josparlanǵan.
Magıstraldy kóshelerden qar shyǵarý jumystary júrgizilýde.
44 jedel patrúldik brıgada, 421 birlik arnaıy tehnıka, onyń ishinde 165 qum taratqysh, 481 jol jumysshysy jumyldyryldy.
Qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
"Qazgıdromet" RMK-nyń boljamy boıynsha jaýyn-shashyn kútilmeıdi.
Túnde aýa temperatýrasy mınýs 23...25 gradýs aıaz bolady.
Osyǵan oraı komýnaldyq qyzmetterdiń úzdiksiz jumysyn qamtamasyz etý maqsatynda qala turǵyndarynan túsinistikpen qaraýdy, múmkindiginshe qala boıynsha qozǵalysty shekteýdi jáne avtokólikti jol jıegine qoımaýyn suraımyz.
Jeke kólikpen júrýdiń shuǵyl qajettiligi bolmasa júrgizýshilerge jyldamdyqty tómendetýge, tejegishti kúrt baspaýǵa, qashyqtyqty, búıirlik aralyqty jáne manevr jasaý erejelerin saqtaýǵa shaqyramyz.
Jaıaý júrginshiler trotýarda júrgende abaı bolyp, kóshede belgilengen jermen ǵana júrip, qarttar men balalarǵa kómek kórsetý kerek.