Jattyǵýlardy balalar men jasóspirimder sport mektebiniń bapkerleri júrgizedi.
Almatyda 22 jattyqtyrýshy balalarǵa ashyq sport alańdarynda sabaq ótkizedi. Bul tájirıbe megapolıste birneshe jyl buryn qalalyq sport basqarmasynyń bastamasymen paıda boldy. Búgin «Eńbek» baǵdarlamasy aıasynda 22 maman jumysqa kiristi, olar 500-ge jýyq balany oqytady, dep habarlaıdy Almaty-akshamy.kz QazAqparat-qa silteme jasap.
Almaty qalalyq sport basqarmasynyń basshysy Rústem Baıseıitov bul jumystyń qalaı uıymdastyrylǵanyn aıtty.
«Almatynyń alty aýdanynda jekpe-jekti oqytý ortalyqtary ashyldy. Jattyǵýlardy balalar men jasóspirimder sport mektebiniń 14 bapkeri ótkizedi. Sonymen qatar, qalanyń 8 aýdanynda 50 demalys ortalyǵy bar, olarda sport seksıalary men úıirmeleri aqysyz jumys isteıdi, onda 5 280 adam qamtylǵan», - deıdi Rústem Baıseıitov.
Sport basqarmasynyń basshysy 2023 jylǵa qaraı qaladaǵy ortalyqtardy 200-ge deıin jetkizý josparlanyp otyrǵanyn, bıyl qosymsha 50 ortalyq ashylatynyn jetkizdi.
«Bıyl 8-12 jas aralyǵyndaǵy balalarǵa júzý negizderi boıynsha tegin oqytýdyń qalalyq baǵdarlamasy qoldanyldy. Barlyǵy 2100 bala qamtyldy, onyń ishinde balalar úıiniń tárbıelenýshileri de bar. Sondaı-aq, Almaty qalasynyń aýlalyq komandalary arasynda 4500-den astam balany qamtıtyn fýtbol lıgalary uıymdastyryldy. Sonymen qatar, «Eńbek» baǵdarlamasy aıasynda 22 maman jumysqa kiristi, olar 500-ge jýyq balany oqytady», - dedi spıker.