İs-sharanyń maqsaty - otbasy qundylyǵyn nasıhattaý
2023 jylǵy 15 mamyr kúni Halyqaralyq otbasy kúni aıasynda Almaty qalasy respýblıkalyq Dostyq úıi men «PROFEXPERT» JSHS uıymdastyrýymen «Áıel - otbasynyń jylýy» atty is-shara ótti, dep habarlaıdy Almaty-akshamy.kz Almaty.tv-ge silteme jasap.
İs-sharanyń maqsaty - otbasy mádenıeti týraly túsinik berý, baýyrmaldyq, qaıyrymdylyq qatynastaryn nyǵaıtý, baqytty januıanyń modelin daıyndaý, otbasy qundylyǵyn nasıhattaý.
Kezdesýge «Almaty» teleradıokompanıasynyń bas prodúseri Ralıda Muqanova, belgili telejýrnalıst, Qazaqstan jýrnalıser odaǵy syılyǵynyń laýreaty Tolqyn Saıdýova, «PROFEXPERT» JSHS dırektory Rýslan Qalıollauly jáne etnomádenı birlestikterdiń músheleri men belsendileri, BAQ ókilderi qatysty.
Kezdesý basynda Almaty qalasy respýblıkalyq Dostyq úıi basshysy Nursaýle Áltekova qatysýshylardy otbasy merekesimen quttyqtap, myqty, berik, tatý otbasy jastarǵa úlgi bolatynyn tilge tıek etti. Otbasy qashanda ártúrli urpaq arasyndaǵy baılanystyrýshy býyn, rýhanı jáne mádenı dástúrdiń saqtaýshysy bolyp tabylatynyn atap ótti.
– Árbir adam ózi baqytty bolýy úshin, eń bastysy, ózgelerdi, onyń ishinde birinshi bolyp balalardy baqytty etý kerek. Bala otbasynyń jylýyn, qoldaýyn sezingende ǵana baqytty bolyp erjetetinin bilemiz. Sebebi búgin - jaryq dúnıedegi eń jaqyn jandaryńyzdyń tól merekesi, – dep atap ótti belgili telejýrnalıst Tolqyn Saıdýova.
Otbasy taqyryby jınalǵan qatysýshylardy óte qyzyqtyrdy. Kezdesý sońynda qatysýshylar suraǵyn qoıyp, bir-birin merekemen quttyqtady.