Almaty qalasy Kásipkerler palatasynyń dırektory Aıtýar Qoshmambetov Óńirlik komýnıkasıalar qyzmetiniń brıfıńinde kásipkerlerdi qoldaý boıynsha osy jyly qandaı baǵdarlamalar qoldanylatynyn aıtty. dep habarlaıdy almaty-akshamy.kz
Aıtýar. Qoshmambetovtyń aıtýynsha, jyl basynan beri «qarapaıym zattar ekonomıkasy» baǵdarlamasy boıynsha 22,2 mlrd teńge somaǵa 17 joba qarjylandyrylyp, maquldandy. Aıta ketsek, ilespe jobalardyń ishinde óńdeý ónerkásibi 87%-da kóshbasshy orynǵa ıe, ári qaraı qyzmet kórsetý salasy.
Jobalardyń eń kóp sany «Bıznestiń jol kartasy – 2025» aıasynda qarjylandyryldy. Barlyǵy 84,5 mlrd teńge somaǵa 1 199 jobaǵa kómek kórsetildi.
«Eńbek» memlekettik baǵdarlamasy aıasynda 1 mlrd teńgeniń 73 jobasy qarjylandyryldy.
Bıznesti qarjylaı qoldaý týraly aıta kelip, Aıtýar Qoshmambetov bıyl «almatylyq óndirýshiler» pýly qurylǵanyn habarlady.
«Biz Almaty qalasy ákiminiń orynbasarlarymen birlesip, óndirýshilerdiń problemalary men naqty júktemesin anyqtaý úshin olarǵa baramyz. 25 otandyq kásiporynǵa baryp, olardyń jumystaryn aralap kórdik», - dep atap ótti Palata dırektory.
Nátıjesinde «Al Bakara», «Alma-mebel» jáne «Tornado PLUS» JSHS-men 400 mln teńgege mektep jıhazyn jetkizýge, «Sklad OV» kásipornymen 50,6 mln teńge somasyna 19 myń seksıa radıatoryn jetkizýge kelisimshart jasaldy. Júrgizilip jatqan jumystardyń arqasynda «Almatylıft» kompanıasy 449 mln teńgege 46 lıft jetkizedi.