Almaty qalasy Kásipkerler palatasynyń dırektory Aıtýar Qoshmambetov Óńirlik komýnıkasıalar qyzmetiniń baspasóz konferensıasynda «Bastaý bıznes» jobasynyń sátti júzege asatynyn habarlady. Bıyl 2 201 áleýetti kásipker kýrstan ótti, onyń 277-si memlekettik qoldaýǵa ıe boldy, dep habarlaıdy almaty-akshamy.kz
Jobanyń arqasynda jumyssyzdar bastapqy kapıtaldyń bolmaýy máselesin sheshe alady, ol úshin kásipkerlik kýrstarynan ótý jetkilikti.
Aıtýar Qoshmambetovtyń aıtýynsha, bıznestiń bastalýy oqytý barysynda qalanady. «Bastaý bıznes» qatysýshylaryn kásibı bıznes-jattyqtyrýshylar oqytady, olar qandaı qarjy ınstıtýttarynda jáne qandaı sharttar boıynsha isin jańa bastaǵan kásipkerdiń bastapqy kapıtaldy alý múmkindigi bar ekenin aıtady.
Jańadan kelgen kásipkerlerge bıznes-jospardy birneshe qadamǵa qalaı bólýge jáne olardy ózderine zıan keltirmesten dáıekti túrde oryndaýǵa bolatyndyǵy túsindiriledi. Baǵdarlamaǵa qatysýshylarǵa 200 AEK kóleminde granttar bólinedi – bul shamamen 500 myń teńge. Bul aqsha óz isin ashýǵa jetkilikti.
Sondaı-aq, A. Qoshmambetov iske qosylǵan «Ýchót.kz» Atameken Business Club platformasy arqyly nıet bildirýshiler býhgalterlik esep, salyq, kadrlar jáne bıznesti júrgizýdiń basqa da ózekti máseleleri boıynsha tegin onlaın-keńester ala alatynyn aıtty. Sabaqtardy Amazon, Wildberries, Yandex Go, Ozon jáne Satu.kz sıaqty iri holdıńterdiń ókilderi júrgizedi.
Sonymen qatar, bıyl Almaty Business – 2021 oqytý baǵdarlamasy iske qosyldy. Ol jumys istep turǵan shaǵyn jáne orta bıznes sýbektilerin akselerasıalaýǵa baǵyttalǵan.
«Osy baǵdarlama aıasynda jumys istep turǵan kásipkerlerge bıznestiń zamanaýı quraldary úıretiledi. Bıylǵy jyly 1 000 SHOB sýbektisi oqýdan ótti. Negizinen olar – azyq-túlik jáne azyq-túliktik emes rıteıl, qoǵamdyq tamaqtaný obektileri, qyzmet kórsetý salasy, jıhaz, tamaq jáne tigin óndirisiniń ókilderi», - dedi Aıtýar Qoshmambetov.
Sóziniń sońynda Palata dırektory kásipkerlerdi básekelestikten, oqýdan úreılenbeýge shaqyrdy. Onyń pikirinshe, bıznestegi salaýatty básekelestik – damýdyń jaqsy múmkindigi.