Otanǵa, óz halqyna degen súıispenshilik
Almatydaǵy Memlekettik ortalyq mýzeıde «Shyǵarmashylyq alań» atty balalar sýret kórmesi ashyldy, dep habarlaıdy Almaty-akshamy.kz.
Kórmege Almaty qalasynyń 100-den astam balalar shyǵarmashylyǵyn damytý jáne beıneleý óner ortalyqtarynyń oqýshylary qatysyp, beıneleý jáne sándik-qoldanbaly óner janrdaǵy ártúrli jumystaryn usyndy.
Balalardyń kórmege qatysýy olarǵa elimizdiń tarıhy, óneri men mádenıetimen tanysýǵa, týǵan jeriniń ulttyq qundylyqtary, dástúrleri men sulýlyǵy týraly túsinikterin keńeıtýge múmkindik beredi, bul Otanǵa, óz halqyna degen súıispenshilikti oıatady. Sondyqtan jas sýretshiler óz jumystarynda qorshaǵan álemge, eldiń ótkeni, búgini jáne bolashaǵy týraly óz kózqarastaryn bildirýge tyrysty. Balalar Qazaqstannyń tarıhy, mádenıeti, tabıǵatymen baılanysty túrli aspektiler men sújetterdi beıneleıdi.
Kórmege Almaty qalasynyń «Da Vınchı», «By ArT», «ArtMıks», «Bilim stýdıasy», «Klass», «Darıa» balalar shyǵarmashylyq damý ortalyqtarynyń oqýshylary qatysty, sondaı-aq konserttik baǵdarlamany belsendi qatysýshylary, mýzeıdiń seriktesteri - «Sem chýdes sveta» balalar teatry, «Aı-kerbez» bı toby men «Fıesta» bı ansambli qoldady.
«Shyǵarmashylyq alań» kórmesin QR MOM dırektorynyń orynbasary Serjan Sarov, shyǵarmashylyq mektepterdiń jetekshileri Elena Isakova jáne Anna Chernysheva ashty.
«Shyǵarmashylyq alań» atty kórmesinde balalardyń 100-den astam týyndylary qoıylǵan.
Kórme 12 sáýirge deıin jalǵasady.