Maqsat - balalar ádebıetin damytý.
Almatyda jazýshylarǵa arnalǵan baıqaýdyń jeńimpazdary anyqtaldy, dep habarlaıdy Almaty-akshamy.kz.
«Balalar jyly aıasynda Almaty qalasynda QR Aqparat jáne qoǵamdyq damý mınıstrliginiń «Qazaqstandyq qoǵamdyq damý ınstıtýty» KEAQ jáne «Qazaqstan Jazýshylar odaǵy» RQB qoldaýymen «Altyn saqa» balalar ádebıeti shyǵarmalary respýblıkalyq baıqaýynyń jeńimpazdary marapattaldy»,- delingen Aqparat jáne qoǵamdyq damý mınıstrliginiń baspasóz qyzmetiniń habarlamasynda.
Baıqaýdyń maqsaty – balalar ádebıetin damytý, qazaqstandyq jas qalamgerlerge qoldaý kórsetý.
İs-sharaǵa QR Aqparat jáne qoǵamdyq damý vıse-mınıstri Danıar Qadyrov, «Qazaqstandyq qoǵamdyq damý ınstıtýty» KEAQ Basqarma tóraǵasy Qazbek Maıgeldınov, Qazaqstannyń eńbek sińirgen qaıratkeri, QR Jazýshylar odaǵynyń tóraǵasy Ulyqbek Esdáýlet, QR Memlekettik «Daryn» jastar syılyǵynyń ıegeri, aqyn Aqberen Elgezek, jazýshy Beıbit Sarybaı, balalar jazýshysy Záýre Tórehan, QR eńbek sińirgen qaıratkerleri, «Parasat» jáne «Qurmet» ordeniniń ıegerleri, Halyqaralyq «Alash» ádebı syılyǵynyń laýreattary, zıaly qaýym ókilderi men elimizge belgili qalamgerler qatysty.
«Qazaq halqy «Tárbıe tal besikten» dep balanyń bolashaǵyna úlken jaýapkershilikpen qaraǵan. Sondyqtan, bala tárbıesiniń zamanýı quraldary arqyly dástúrimizdi, ulttyq tarıh, ádebıet, mádenıetimizdi nasıhattap, jańǵyrtýymyz kerek», - dedi vıse-mınıstr Danıar Qadyrov.