Bul týraly Prezıdent Qasym-Jomart Toqaev qala jurtshylyǵymen ótken jıynda aıtty.
Memleket basshysynyń aıtýynsha, sońǵy jyldary Almatynyń jasyl qala retindegi bedeli tómendedi. Bul rette 2030 jylǵa deıin qalada 2,5 mıllıon aǵash otyrǵyzý josparlanýda, dep habarlaıdy Almaty-akshamy.kz.
«Almatyda aýa men qorshaǵan orta sapasyn jaqsartýdyń taǵy bir mańyzdy faktory kógaldandyrý bolyp tabylady. Almaty árqashan óziniń jasyl jelegimen tanymal bolǵan. Biraq sońǵy jyldary onyń jasyl qala retindegi bedeli tómendedi. Biz shetelge baramyz jáne Almatyǵa qaraǵanda jasyl jáne taza qalalar bar ekenin kóremiz. Onda shamamen 4 mıllıon aǵash bar, biraq keıbir aýdandarda olar jetkiliksiz. Sonymen qatar qaladaǵy jasyl keńistikter men aǵashtardyń 10%-dan astamy jańartýdy qajet etedi. 2030 jylǵa deıin Almatyda 2,5 mıllıon aǵash otyrǵyzylady. Bul óte úlken kólem. Eń bastysy, kógaldandyrý sýarmaly sýdyń qol jetimdiligi men qala josparyn eskere otyryp, maǵynaly jáne birkelki júrgizilýi kerek», - dep atap ótti Qasym-Jomart Toqaev.
Jalpy, Almatyda 136 saıabaq bar. Búginde olardyń sanyn kóbeıtý jáne abattandyrý boıynsha dáıekti jumys júrgizilýde. Prezıdenttiń aıtýynsha, qala basshylyǵy munymen toqtap qalmaýy kerek.
«Almaty óziniń «jasyl qala» mártebesin kúsheıtýi tıis. Bul tek qalanyń ǵana emes, búkil eldiń bedeline qatysty másele», - dep qosty Memleket basshysy.