Qalanyń syrtqy kelbetine jáne abattandyrýǵa nuqsan keltiretin, trotýarlar men jol ýchaskelerin qoqys tastaıtyn zańsyz ornatylǵan stasıonarlyq emes saýda obektilerimen (SSO) kúresý maqsatynda qala ákiminiń tapsyrmasymen kásipkerlik jáne ınvestısıalar basqarmasy qajetti sharalar qabyldaýda, dep habarlaıdy almaty-akshamy.kz
Erikti súrýdi júzege asyrý úshin zańsyz salynǵan stasıonarlyq emes saýda obektileri ıelerimen túsindirý jumystary turaqty negizde júrgizilýde. Nysan súrilgen soń aýdan ákimdikterimen birlesip, zańsyz obekt ornatylǵan aýmaq retke keltiredi, qoqystan tazarady.
Monıtorıń qorytyndysyna oraı 2022 jyly Almaty qalasy boıynsha jer zańnamasyn, sanıtarlyq, qala qurylysy jáne órt normalaryn buzǵan 500-den astam zańsyz salynǵan stasıonarlyq emes saýda obektileri anyqtaldy. Búginde 101 nysan súrildi, qalǵandary aǵymdaǵy jyldyń sońyna deıin alynyp tastalady.
Eske salsaq, Almaty ákimi Erbolat Dosaevtyń tapsyrmasy boıynsha bıyl alǵash ret "Almaty qalasynyń aýmaǵynda jáne qala mańyndaǵy aımaqta stasıonarlyq emes saýda obektilerin ornatý erejeleri" qabyldandy, onda mundaı obektilerdi ornatý tártibi naqty aıqyndalǵan. Erejelermen https://adilet.zan.kz/rus/docs/V23R0001707 silteme arqyly tolyq tanysýǵa bolady
Nysandardyń stıhıaly ornalasýlaryn boldyrmaý úshin qazirgi ýaqytta "Stasıonarlyq emes saýda obektilerin ornalastyrý syzbasyn" ázirleý aıaqtalýda, ol bekitilgennen keıin olardy ornatýǵa bolatyn naqty mekenjaılar anyqtalady.