Ótken jyly Almatyda polıseıler 468 esirtki qylmysyn áshkerelep, 132 esirtki satý dereginiń jolyn kesti, dep habarlaıdy Almaty-akshamy.kz Polisia.kz-ke silteme jasap.
«Zańsyz aınalymnan 715 keliden astam esirtki, onyń ishinde 117 keliden astam sıntetıkalyq esirtki tárkilendi. Jalpy somasy 3,5 mıllıard teńgeden astam sıntetıkalyq esirtkiniń 1,5 mıllıonnan astam dozasyn taratýdyń jolyn kestik. Sonymen qatar «sıntetıka» shyǵaratyn 7 esirtki zerthanasy joıyldy. Esirtki qoımasyn uıymdastyrýdyń 2 deregi jáne esirtki ósimdikterin ósirýdiń 5 deregi anyqtaldy. Esirtkini baılanyssyz, ınternet arqyly, elektrondy tólemderdi qoldanýmen taratý úrdisi ózekti máselelerdiń biri ekendigine erekshe nazar aýdaramyn. Ótken jyly qala aýmaǵynda 68 esirtki qoıyp ketýshi ustaldy», – dedi Almaty qalalyq polısıa departamentiniń bastyǵy Arystanǵanı Zapparov.
Sondaı-aq Almaty polısıasynyń basshysy jedel ýákilder, esirtki taratý jáne jarnamalaýmen aınalysatyn 590 ınternet-saıtty anyqtaǵanyn aıtty. Olar týraly aqparat odan ári buǵattaý úshin «Kıbernadzorǵa» jiberildi. Eriktilermen birge esirtkiniń taralýy týraly aqparaty bar 8537 graffıtı-jazý tabyldy jáne joıyldy.