2023 jyldyń basynan Almaty qalasynyń Saýda jáne tutynýshylardyń quqyqtaryn qorǵaý Departamentine 3 myńnan astam ótinish kelip tústi. Jospardan tys tekserýler men zańgerlik keńes berý nátıjeleri boıynsha tutynýshylarǵa 66 775 325 teńge qaıtaryldy. Mundaı derekterdi Óńirlik komýnıkasıalar qyzmetiniń brıfıńinde departament basshysynyń orynbasary Nurlybek Bımurzaev keltirdi, dep habarlaıdy almaty-akshamy.kz
Kelip túsken barlyq ótinishterdiń 1087 - i qanaǵattandyryldy, 924 - i boıynsha túsiniktemeler berildi , 235-i qaıta jiberildi.
«2023 jyldyń alty aıynda kelip túsken ótinishterdiń negizinde departament tutynýshylardyń quqyqtaryn qorǵaý baǵyty boıynsha memlekettik baqylaý júrgizý barysynda 59 ákimshilik hattama jasady, onyń ishinde jospardan tys tekserýler júrgizýmen 20, nátıjesinde eskertý túrinde 53 qaýly jáne jalpy somasy 414 000 teńge salýmen 6 aıyppul salyndy», - dedi N. Bımurzaev.
Spıker Qazaqstanda 2020 jyldan bastap tutynýshylardyń shaǵymdaryn qaraýdyń kóp satyly júıesi (satýshy – memlekettik organdar – sot) jumys isteıtinin, onyń sheńberinde «memlekettik» jáne «qoǵamdyq» baqylaý engizilgenin, kásipqoılar arasynan quqyq qorǵaýshylardyń tizbesi qalyptastyrylǵanyn eske saldy. Bul mehanızm satýshy aldyndaǵy tutynýshylardyń shaǵymyna jaýap berý mindettemesin, tutynýshynyń quqyqtaryn qamtamasyz etý algorıtmin sol jerde jáne sol sátte qarastyrady.
«Birinshi kezeńde satýshy satyp alýshynyń talabyn óz betinshe nemese tutynýshylardyń quqyqtaryn qorǵaý jónindegi uıymdardy tarta otyryp qaraýǵa mindetti. Bul shaǵymdardy sol jerde jáne sol sátte beıbit jolmen sheshýge bolatyn alǵashqy kezeń. Bul jaǵdaıda úkimettik emes uıymdar daýdy sotqa deıingi retteý sýbektileri retinde áreket etedi. Ekinshi kezeń memlekettiń qosylýyn qamtıdy. Iaǵnı, eger satýshy kelisimge kelý nıeti bolmasa, shaǵym tutynýshylardyń quqyqtaryn qorǵaý komıtetine nemese basqa mamandandyrylǵan organǵa jiberiledi. Mysaly, eger satýshy tarazyny burap qoısa nemese onlaın-dúken taýar jibermese, onda ol alaıaqtyqqa «bolýy múmkin» jáne İİM organdarynyń jumys salasy bolyp tabylady. Sotqa júginý, shyn máninde, shaǵymdy qaraýdyń sońǵy satysy», - dep tolyqtyrdy spıker.
Sonymen qatar, tutynýshylarǵa, bızneske jáne memlekettik organdarǵa yńǵaıly bolý úshin 2021 jyldyń 1 qańtarynan bastap e-tutynushy.kz shaǵymdardy qabyldaý men qaraýdyń biryńǵaı aqparattyq júıesi jumys isteı bastady.
Júıeniń maqsaty tutynýshylardyń quqyqtaryn qorǵaýdyń barlyq sharalaryn bir jerde shoǵyrlandyrý, shaǵymdardy daıyndaý jáne ony quzyretti organdarǵa jiberý rásimderin jeńildetý jáne arzandatý, sondaı-aq barlyq ótinishter men olardy qaraý nátıjelerin sıfrlandyrý bolyp tabylady.
«Bul júıede tutynýshy shaǵymdy ártúrli tásildermen, sonyń ishinde mobıldi qosymsha arqyly berýge múmkindigi bar. Tutynýshynyń yńǵaılylyǵy úshin júıede daýdyń nysanasyna baılanysty shaǵymdardyń birqatar úlgilik nysandaryn ornalastyrý kózdeledi. Sondaı-aq, tutynýshy qajet bolǵan jaǵdaıda júıede qosa berilgen óz ókiliniń tizbesin tańdaı alady, sotqa deıingi retteýdiń qoldanystaǵy ınstıtýttarynyń birin tańdaı alady nemese shaǵymdy tikeleı memlekettik organǵa jibere alady», - dep bólisti N. Bımurzaev.
Sondaı-aq, júıede barlyq memlekettik organdardyń tizimi jáne olardy retteý salasy kórsetilgen, sonyń arqasynda tutynýshy shaǵymdy qaıda jiberý kerektigin birden biledi.
Qorytyndylaı kele, spıker búgingi kúni QR Saýda jáne ıntegrasıa mınıstrligi shaǵymdardy qaraý jobasyn kóp satydan eki satyly tetikke QR Úkimetine kelisýge baǵyttaǵanyn, onda tutynýshy satýshyǵa sotqa deıingi talap-aryzdy ekinshi kezeńmen jibergennen keıin talap-aryzben sottarǵa júgine alatynyn atap ótti.