Sanıtarlyq-epıdemıologıalyq ahýaldy turaqtandyrý, ólim-jitimdi azaıtý jáne vaksınalaný qarqyny máseleleri KVI taralýynyń aldyn alý jónindegi jedel shtabtyń kezekti otyrysynda qaraldy. Keńes qala ákimi Baqytjan Saǵyntaevtyń tóraǵalyǵymen ótti, dep habarlaıdy almaty-akshamy.kz
Ahýaldyń turaqtanýyna jáne optımısik boljam boıynsha damýǵa qaramastan, epıdemıologtar yqtımal nasharlaý týraly eskertedi. Buǵan Eýropa men Reseıdegi epıdemıologıalyq ahýaldyń órshı túsýi, vaksınalaný qarqynynyń tómendeýi yqpal etýi múmkin. İndettiń jańa tolqynynyń qaýpin azaıtý úshin almatylyqtarǵa epıdemıologıalyq talaptardy saqtaý jáne vaksınalaný qajet. KVI vaksıanasy ekpe salýǵa jatatyn qala turǵyndarynyń jalpy sanynyń keminde 80%-y alýy tıis.
Naýqastardyń jas quramyn salystyrmaly taldaý kezinde apta ishinde dert juqtyrǵandardyń 77%-y vaksınalanbaǵan 20 jastan asqan azamattar. 14 jasqa deıingi balalar arasynda juqtyrǵandar sany 2,2%-ǵa, 40-59 jastaǵy adamdar arasynda 1,4%-ǵa óskeni baıqalady.
Syrqattanýshylardyń 85%-y ınfeksıany saýda obektilerinde - 28%, qoǵamdyq kólik - 21,4%, otbasylardaǵy baılanystar - 22,3% jáne bazarlar - 8% juqtyrǵan. Úıde ınfeksıa juqtyrý4,4%-ǵa ósti. Dert týystarmen, kórshilermen jáne tanystarmen baılanys kezinde, sondaı-aq otbasylyq is-sharalardy merekeleý sanynyń ósýine oraı taralýda.
Belgilengen karantındik shekteýlerdiń saqtalýyn qamtamasyz etý boıynsha monıtorıńtik toptardyń jumysy jalǵasýda. 25-31 qazan aralyǵynda kásipkerlik nysandarynda 19 jáne qoǵamdyq kólikterde maska rejımi saqtalmaǵan 23 buzýshylyq anyqtaldy.
Aıta keterligi, dúısenbiden bastap Almatyda «sary» aımaqtyń talaptary qoldanylady. Ashyq jobasyna qatysýshylardyń jumys uzaqtyǵy 1 saǵatqa, joba jetekshileriniń jumys ýaqyty túngi saǵat 3-ke deıin uzartyldy. Barlyq nysandar Bas memlekettik sanıtarlyq dárigerdiń qaýlysyna sáıkes «sary» aımaq rejımi boıynsha jumys isteıdi. Sonymen qatar, ótken aptada Ashyq jobasy boıynsha oqshaýlaý rejımin buzǵan 100 qala turǵynynda «qyzyl» mártebe anyqtaldy. Kóbinese buzýshylyqtar SOO-da, dúkenderde jáne tamaqtaný obektilerinde oryn alýda.
Búgingi kúni ınfeksıalyq stasıonarlarda 1 039 adam, onyń ishinde 35 bala bar. Reanımasıa jáne qarqyndy terapıa bólimshelerinde 93 pasıent emdelýde. Mobıldi medısınalyq brıgadalar men telemedısına ortalyǵynyń baqylaýyna 2 124 pasıent alynǵan.
Keńes barysynda Biontech jáne Pfizer birlesip ázirlegen «Komırnatı» preparatymen vaksınalaýǵa daıyndyq máseleleri qaraldy. Preparattyń jetkizilýi osy aıǵa josparlanǵan.
Almaty ákimdigi qala turǵyndarynan densaýlyqtaryn saqtaý úshin vaksınalanýdy ótinedi. Vaksınalaný epıdemıologıalyq ahýaldy turaqtandyrýǵa, qala ómirin qalypty jaǵdaıǵa qaıtarýǵa, shekteý sharalarynyń alynýyna múmkindik beredi. Bul ıgi sharalardyń iske asýy ár almatylyqqa qatysty, sondyqtan ýaqytty joǵaltpaı, koronavırýsqa qarsy ekpe saldyryńyz, týystaryńyz ben dostaryńyzdy ózińizden úlgi alýǵa shaqyryńyz. Qalada kún saıyn 137 vaksınalaý pýnkti jumys isteıdi.