Qutqarýshylar qala turǵyndary men qonaqtarynan taýǵa saıahattaýdy keıinge shegere turýdy suraıdy.
Kúnniń kúrt jylynýyna baılanysty Almaty taýlarynda qar kóshkini qaýpi saqtalady, dep habarlaıdy Almaty-akshamy.kz qalalyq tótenshe jaǵdaılar departamentine silteme jasap.
«Úlken jáne Kishi Almaty ózenderiniń baseınderinde jaýyn-shashynnyń kútilýine jáne qar jamylǵysynyń turaqsyz jaǵdaıyna baılanysty 14-18 sáýir aralyǵynda qar kóshkini qaýpi saqtalady», – dep habarlady qalalyq tótenshe jaǵdaılar departamenti.
Qutqarýshylar qala turǵyndary men qonaqtarynan taýǵa saıahattaýdy keıinge shegere turýdy suraıdy. Eske salaıyq, keshe 13 sáýir kúni «Molodejnyı» shyńynda kóshkin júrip, eki adam qar astynda qaldy. Keıin qutqarýshylar qardyń astynda qalǵan adamdardyń bireýin aman-esen shyǵaryp aldy. Sol kúni keshke qaraı, qar astynan ekinshi týrısiń denesi tabyldy.
Almaty qalalyq tótenshe jaǵdaılar departamentiniń málimetinshe, qar kóshkininiń astynda qalǵan eki adam - Fransıa eliniń azamattary. Belgili bolǵandaı, 6 adam taýǵa shyǵyp syrǵanaǵan. Bul kóshkinniń shyǵýyna sebep boldy. Onyń beseýi Fransıa azamaty bolsa, bireýi - qazaqstandyq. Tórteýi aman. Qardyń astynda qalǵandardyń bireýi zardap shekti, ekinshisi ókinishke oraı qaza tapty.