Búgin, 2025 jylǵy 4 qazanda Almaty taýlarynda qar jaýdy.
Aq ulpany «Shymbulaq» taý-shańǵy kýrortynyń kameralary túsirip alǵan, - dep habarlaıdy Aqshamnews.kz.
Búgin Shymbulaqta naǵyz qysqy atmosfera! Qar jaýyp, taý naǵyz ertegige aınaldy, — delingen kýrorttyń jazbasynda.
Kadrlardan taýdyń joǵary bóligi appaq qarmen kómkerilip, aınalany tuman basqanyn kórýge bolady.
Aıta keteıik, «Qazgıdromet» RMK dereginshe, 4 qarasha kúni saǵat 3:00–ten 20:00–ge deıin jalpy 5-6 mm kóleminde jańbyr jaýady. Aýa temperatýrasy túnde jáne kúndiz +5…+7 gradýsqa deıin tómendeıdi. 5 qarashada aýyspaly bultty, keı jerlerde jańbyr men qar túrindegi jaýyn-shashyn (qalyńdyǵy 10 mm-ge deıin), kóktaıǵaq bolady. Aýa temperatýrasy túnde -3…-5 °S, kúndiz +1…+3 °S shamasynda.
Eske salaıyq, munyń aldynda Almatyda aýa raıynyń kúrt buzylýyna baılanysty komýnaldyq qyzmetter táýlik boıy jumys isteý rejımine aýysqanyn habarlaǵan edik.
«Almaty Tazalyq» kásiporyndarynyń bazalarynda júrgizýshiler, mehanızatorlar men jumysshylar táýlik boıy kezekshilik atqarady. Qar túspeı turyp, magıstraldyq kóshelerge aldyn ala suıyq reagentter sebiledi.