Almaly aýdanynda «Halyq qatysatyn búdjet - 2025» baǵdarlamasy aıasynda barlyq joba júzege asyryldy.
Turǵyndardyń belsendi qatysýy jáne qalanyń qoldaýy arqasynda aýdan aıtarlyqtaı ózgerdi. Aýdan kórkeıip, ómir súrý jaılylyǵy artty, - dep habarlaıdy Aqshamnews.kz.
Bıyl Almaly aýdanynyń turǵyndary joǵary belsendilik tanytty. Olar 726 joba usyndy, onyń 45-i daýys berý qorytyndysy boıynsha baǵdarlamaǵa engizilip, sátti júzege asty. Sonyń arqasynda aýdanda aýlalar jańardy, kógaldandyrý boıynsha 27 joba, abattandyrý jóninde 18 joba, aýla aýmaqtary men kóshe ýchaskelerin kógaldandyrý boıynsha birneshe joba oryndaldy.
Kóshe boıy abattandyryldy, butalar otyrǵyzyldy, aǵash egildi, avtomatty sýarý júıeleri ornatyldy. Sonyń nátıjesinde sapaly ári jaıly qoǵamdyq keńistikter paıda boldy.
Bıyl Gogol, 77; Qarasaı batyr, 134A; Qurmanǵazy, 171; Tilendıev, 2g jáne t.b. mekenjaılardaǵy aýlalar jańartyldy. Onda zamanaýı oıyn alańdary, demalys aımaqtary, turaq oryndary paıda boldy.
Aldaǵy ýaqytta Máýlenov kóshesiniń boıyndaǵy (Abaı dańǵylynan Qurmanǵazy kóshesine deıin), Amangeldi kóshesiniń boıyndaǵy (Tóle bı kóshesinen Qazybek bı kóshesine deıin) aýmaqtar, qala ortalyǵyndaǵy jaıly júrginshiler aleıasyna aınalǵan Abylaı han dańǵylynan Masanchı kóshesine deıingi Qarasaı batyr kóshesi kórkeıtiledi.