Onyń birneshe sebebi bar.
Áleýmettik jeli qoldanýshylary Almaty qonaq úılerinde oryn joqtyǵyn jazyp, munyń saıası astaryn izdeýde, dep habarlaıdy Almaty-akshamy.kz
Booking.com turǵyn jaı brondaý saıttaryndaǵy habarlandyrýlarǵa súıensek, rasymen qaladaǵy qonaq úılerde oryn joq.
Qonaq úı qyzmetkerleri sońǵy kúnderi sheteldikterdiń kóbeıgenin ǵana aıtyp, ózge aqparattarmen bólise almaıtyndaryn alǵa tartty.
Jeli qoldanýshylary muny 21 qyrkúıek Reseı Prezıdenti Vladımır Pýtınniń ishinara mobılızasıa týraly zańǵa qol qoıýymen baılanystyrýda.
Búginde Qazaqstan men Reseı shekarasynda adam qarasy da, kólikter sany da artqan. Muny UQK Shekara qyzmeti rastady.
Qonaq úılerge suranystyń kúrt artýynyń taǵy bir sebebi bar. 23 qyrkúıek Almatyda Dımash Qudaıbergenniń jeke keshi ótedi.
Qalanyń týrızm basqarmasy da sheteldikterdiń kóptep kele bastaǵany týraly aqparatty rastady.
«Sheteldik týrıserdiń aǵylýyna baılanysty Almaty qonaq úılerinde jumys kóp. Olardyń arasynda 2022 jyldyń 23 qyrkúıeginde Almatyda konsert beretin qazaqstandyq ánshi Dımash Qudaıbergenniń jankúıerleri de bar», – dep habarlady basqarma.
Konsertterge bılet satatyn servısterdiń derekterine súıensek, atalǵan keshke 50 elden keletin týrıserge 21 000-ǵa jýyq joldama satylǵan.
«Búgingi kúni Almatyda týrısik aǵynnyń artqanyn da atap ótemiz. Jyl sońyna deıin qalaǵa 300 myńnan astam sheteldik týrıs keledi dep kútilýde», - dep tolyqtyrdy vedomstvodan.