Bul derek boıynsha sotqa deıingi tergeý bastaldy.
Almaty polıseıleri qaraǵandylyq er adamnan 650 gram esirtki zatyn tárkiledi, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy derek boıynsha, aldyn ala sóz baılasý arqyly asa iri kólemde psıhotroptyq zattardy zańsyz alý, saqtaý jáne satý boıynsha qylmystyq quqyq buzýshylyq jasady degen kúdikpen Qaraǵandy oblysynyń týmasy, 39 jastaǵy er adam ustaldy.
«Áýezov aýdandyq PB JPQB ýchaskelik ınspektory B.esimdi er adamdy ustaý kezinde jáne jeke tintý barysynda 80 dana psıhotroptyq zattar tabyldy jáne tárkiledi. Olardy ol Áýezov aýdanynyń aýmaǵyna qoımaq bolǵan. Polısıa qyzmetkerleri turǵylyqty jeri boıynsha tintý júrgizgennen keıin psıhotroptyq zat salynǵan 255 dana aldyn ala qaptalǵan sómkeler jáne sol psıhotroptyq zaty bar 166 polımerli kapsýla men eki qalta tarazysyn tárkiledi. Barlyǵy 650 gram esirtki zatyn qurady», – dedi Áýezov aýdandyq PB bastyǵy Ulan Ábilhaıyr.
Sot-hımıalyq saraptamasy anyqtaǵandaı, tárkilengen esirtki psıhotropty 2-pırrolıdın nemese qarapaıym tilmen aıtqanda, «skorost bolyp tabylady. Sondaı-aq baıandamashynyń aıtýynsha, bul iri kólemdi quraıdy jáne múlikti tárkileýmen on jyldan on bes jylǵa deıin bas bostandyǵynan aıyrý túrindegi jazany qarastyrady.
Bul derek boıynsha QR QK-niń 297-baby 3-bólimi 1,3-tarmaǵyna sáıkes sotqa deıingi tergeý bastaldy. Ustalǵan adam Almaty qalasy PD ýaqytsha ustaý ızolátoryna qamaldy.