Taǵy 5 adam jaraqat aldy
Oqıǵa İle aýdanynyń Ótegen batyr kentinde bolǵan, dep habarlaıdy Almaty-akshamy.kz.
31 tamyz saǵat 10:21-de Almaty oblysy TJD púltine habar tústi. Onda İle aýdanynyń Ótegen batyr kentinde Jeruıyq kóshesinde PolpanInsulation JSHS zaýytynyń jylý oqshaýlaǵysh plıta óndiretin ǵımaratynda gaz-aýa qospasynyń tarsyly, keıinnen 50 sharshy metr alańda qabyrǵa qaptamasy janǵany jáne jalpy aýdany 400 sharshy metr shatyr men qabyrǵanyń opyrylyp qulaǵany aıtylǵan.
Mamandar dereý jiberildi.
Oqıǵa ornyna saǵat 10:24-te kelgen kezde 50 sharshy metr alańda eki qabatty ǵımarattyń qabyrǵasynyń qaptamasy janyp jatqany, sondaı-aq jarylys saldarynan ǵımarattyń shatyry men qabyrǵasynyń opyrylyp qulaǵany anyqtaldy. Onyń jalpy aýdany - 1250 sharshy metr.
«Órt saǵat 10:35-te aýyzdyqtalyp, saǵat 10:50-de sóndirildi. Jalpy aýdany - 50 sharshy metr»,- delingen Almaty oblystyq tótenshe jaǵdaılar departamentiniń baspasóz qyzmeti taratqan habarlamada.
Vedomstvonyń aqparatyna sáıkes, tótenshe jaǵdaı saldarynan 5 adam ortasha aýyr jaraqat alyp, bir adam kóz jumǵan.
«Órtti sóndirýge Almaty oblysy TJD 15 qyzmetkeri men 4 tehnıkasy, sondaı-aq polısıa qyzmetkerleri, 3 jedel járdem brıgadasy jáne basqa da ózara is-qımyl qyzmetteri qatysty. Tótenshe jaǵdaıdyń sebebi anyqtalyp jatyr»,- dep tolyqtyrdy atalǵan vedomstvonyń baspasóz qyzmeti.