Almatylyqtar tańerteńnen beri AES qurylysy máseleleri boıynsha referendýmǵa qatysýda. Saılaýshylardyń qatarynda tanymal tulǵalar, komýnaldyq kásiporyndardyń qarapaıym eńbek adamdary da bar. Olardyń keıbireýleri úshin búgin – ádettegi jumys kúni.
Máselen, metropolıten mashınısti Nurjan Marqabaev jumys ýaqyty aıaqtaǵannan keıin saılaý ýchaskesine keldi, dep habarlaıdy aqshamnews.kz.
Ol jumys kestesiniń tyǵyzdyǵyna qaramastan, bul sheshimniń el úshin qanshalyqty mańyzdy ekenin túsinetinin atap ótti.
«Men Qazaqstandaǵy jalǵyz metropolıtenniń elektr poıyzynyń mashınıstimin. Bizdiń barlyq quramdar elektr qýatynyń kómegimen qozǵalady, sondyqtan biz referendýmnyń mańyzdylyǵyn ózgelerden artyq túsinemiz. Jumystan keıin birden saılaý ýchaskesine keldim, tipti ýaqyt joǵaltpaý úshin kıimimdi aýystyrmadym», - dedi ol.
Aıta keteıik, búgin Qazaqstan aýmaǵynda AES qurylysy máselesi boıynsha respýblıkalyq referendým ótýde. Almatylyqtar óz mekenjaıy boıynsha saılaý ýchaskelerine baryp, saǵat 20:00-ge deıin daýys bere alady.