Aqseleý Seıdimbektiń 80 jyldyǵyna oraı respýblıkalyq deńgeıde aıtys jáne kúı baıqaýyn ótkizý josparlanyp otyr
Bul týraly QR Úkimetinde Premer-Mınıstrdiń orynbasary Eraly Toǵjanovtyń tóraǵalyǵymen Aqseleý Slanuly Seıdimbektiń 80 jyldyq mereıtoıyn atap ótý boıynsha atqarylyp jatqan jumystar jónindegi basqasýdan málim boldy, dep habarlaıdy Almaty-akshamy.kz.
QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komısıanyń Telegram kanalyndaǵy aqparattarǵa qaraǵanda, mereıtoılyq sharalar aıasynda óńirlerde ǵalym esimin este qaldyrý, shyǵarmashylyǵyn óskeleń urpaqqa nasıhattaý maqsatynda konferensıalar, kitap kórmeleri, ǵylymı jobalar saıysy, ádebı kesh sıaqty is-sharalar jyl basynan bastaý alyp, jeltoqsan aıynyń sońyna deıin jalǵasady.
Aqseleý Seıdimbek etnograf, jazýshy, sanaly ǵumyryn qazaqtyń aýyzeki tarıhyn, halqymyzdyń ónegeli salty men shejiresin zertteýge arnaǵan tulǵa retinde belgili.
Osy rette Premer-Mınıstrdiń orynbasary Eraly Toǵjanov memlekettik organdarǵa birtýar tulǵanyń murasyn óskeleń urpaqty tárbıeleý isinde keńinen paıdalanýǵa basty nazar aýdarýdy tapsyrdy.
Sondaı-aq, jınalys qorytyndysy boıynsha respýblıkalyq deńgeıdegi is sharlardy kúsheıtý týraly tapsyrmalar berildi.
«Osy baǵytta Almaty, Shymkent qalalarynyń respýblıkalyq deńgeıde kúı baıqaýyn, aıtys ótkizý jónindegi naqty usynystary qoldaý tapty», - delingen habarlamada.