Almaty kóshelerinen úsh myń tekshe metrden astam qar shyǵaryldy, dep habarlaıdy Almaty-akshamy.kz Komýnaldyq ınfraqurylymdy damytý basqarmasyna silteme jasap.
Túngi kezeńde 12 jeltoqsannan 13 jeltoqsanǵa deıin qardyń saldaryn joıý jumystary jalǵasty.
Kóktaıǵaq qubylystarynyń aldyn alý maqsatynda joldardyń qaýipti ýchaskelerinde, kólik aıryqtarynyń sıezerinde túnde 32 tonna kóktaıǵaqqa qarsy materıaldar sebildi. Trotýarlardy, jalpy paıdalaný oryndaryn, qoǵamdyq kólik aıaldamalaryn, jer ústi ótkelderin tazalaý jumystary jalǵastyryldy.
Túngi kezeńde jol polısıasynyń patrúldik mashınalarynyń erip júrýimen qardy sypyryp, jınaıtyn mashınalardyń 17 kolonnasy uıymdastyryldy.
Magıstraldyq kóshelerden qar shyǵarý jumystary júrgizilýde. Túnde 1947 m3, qar jaýǵannan beri barlyǵy 3027 m3 qar shyǵaryldy.
44 jedel patrúldik brıgada, 421 birlik arnaıy tehnıka, onyń ishinde 165 qum taratqysh, 481 jol jumysshysy jumyldyryldy.
"Qazgıdromet" RMK boljamy boıynsha 16 jeltoqsanǵa deıin jaýyn-shashyn bolmaıdy. Aýa temperatýrasy 13 jeltoqsanda tústen keıin mınýs -18-20 gradýs aıaz.