Kóktaıǵaqqa qarsy 611 tonna qum sebildi
7 aqpan kúni saǵat 02.00-den bastap Almaty qalasynda qar jaýa bastady. Tańǵy saǵat 07.00-degi jaǵdaı boıynsha, qalada 3-5 sm, taý bókteri men taýly aýdandarda 10-12 sm qar jaýdy. Bul týraly Almaty qalasynyń Turǵyn úı saıasaty basqarmasy habarlady.
Kóktaıǵaqtyń aldyn alý maqsatynda qar jaýa salysymen joldarǵa kóktaıǵaqqa qarsy 611 tonna materıal sebildi.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, qoǵamdyq oryndardy oryndardy tazalaý boıynsha jumystar uıymdastyryldy.
Tazalyq jumystaryna barlyǵy 548 birlik tehnıka, onyń ishinde 202 qumshashqysh jáne 361 jol jumysshysy shyqty.
Tańerteńnen bastap 611 birlik arnaıy tehnıka, 205 qumshashqysh jáne 1665 jol jumysshysy jumyldyryldy.
Aýdandyq ákimdikter men merdiger uıymdarda qar tazalaý jumystarynyń barysyn baqylaý boıynsha táýlik boıy kezekshilik uıymdastyryldy.
"Qazgıdromettiń" boljamy boıynsha, qar aralas jaýyn-shashyn úzilispen túsedi dep kútilýde jáne kúnniń ekinshi jartysynda aıaqtalady. Aýa temperatýrasy búgin kúndiz 0, +2 gradýs, tuman, kóktaıǵaq.