Mektep jasyna deıingi balalar da, mektep, kolej ben ýnıversıtettiń oqýshylary da koronavırýspen aýyrady.
Balalar men jasóspirimder aýrýshańdyǵynyń jas qurylymy aıtarlyqtaı serpindi. Bul týraly Óńirlik komýnıkasıalar qyzmetiniń onlaın baspasóz konferensıasy barysynda Almaty qalasy sanıtarlyq-epıdemıologıalyq baqylaý departamenti basshysynyń orynbasary Sádýaqas Baıǵabylov málimdedi, dep habarlaıdy Almaty-akshamy.kz
Onyń aıtýynsha, mektep jasyna deıingi balalar da, mektepter, kolejder men ýnıversıtetterdiń oqýshylary da koronavırýspen aýyrady.
S. Baıǵabylov bilim berý uıymdarynda KVI aýrýy boıynsha derekterdi keltirdi. Onyń málimetinshe, 1 qyrkúıekten bastap oflaın oqıtyn 283 832 oqýshynyń 2389-y (0,84%), qashyqtyqtan oqıtyn 30 914 balanyń 1 495-i (4,8%) aýyryp qaldy.
Qalada barlyǵy 12 442 synyp bar, olardyń 1918-i karantınge jiberildi, 1889 synyp karantınnen keıin oraldy, 29 synyp karantınde qaldy.
Oqý jylynyń basynan bastap 34 joǵary oqý ornynda KVI-diń 186 jaǵdaıy tirkeldi, 156 top karantınge jiberildi, tórt toptyń stýdentteri áli de karantınde, qalǵandary oqýǵa oraldy.
66 orta arnaýly oqý oryndarynda koronavırýsty juqtyrýdyń 209 jaǵdaıy tirkelgen. 159 top karantınge jiberildi, bir top úıde oqshaýlanýda.
Balabaqshalarda 1 qyrkúıekten bastap balalar arasynda KVI-diń 139 jaǵdaıy tirkeldi. 113 top karantınge jiberildi, 113 top karantınnen keıin oraldy.
SEBD ókili atap ótkendeı, «omıkron» nusqasy epıdemıalyq proseske balalar men jasóspirimderdi belsendi túrde tartady, sondyqtan 12 jastan asqan balalardyń ata-analaryna Pfizer óndirgen preparatpen vaksınalaýǵa ruqsat berý óte mańyzdy. Búginde Almatyda 21 836 jasóspirim egildi.
S. Baıǵabylov búginde vaksınalardyń úlken spektriniń arqasynda eresekterdi de, 12 jastan 17 jasqa deıingi balalardy da vaksınalaý arqyly qorǵaýǵa múmkindik bar ekenin atap ótti. Eger otbasynyń barlyq músheleri vaksınalanǵan bolsa, onda kishkentaı balalar men qarsy kórsetilimderi bar adamdardyń juqtyrý qaýpi tómen bolady.