«Taza Qazaqstan» baǵdarlamasy aıasynda Almatyda belgilengen merzimnen buryn qalanyń jol ınfraqurylymyn retke keltirý jumystary bastaldy. Qalalyq mobıldilik basqarmasy magıstraldyq kóshelerde joldarda apatty jaǵdaılardyń aldyn alý maqsatynda qysta paıda bolǵan shuńqyrlardyń joıylatynyn habarlady.
«Asfáltbeton zaýyty merziminen buryn iske qosyldy, ol pılottyq rejımde aýa temperatýrasy mınýs -5 gradýsqa deıin tómendegen kezde asfáltbeton qospasyn tyǵyzdaýdy qamtamasyz etýge múmkindik beretin energıa únemdeıtin qospalary bar «jyly asfált» beretin bolady. Buǵan deıin QR Kólik mınıstrligi habarlaǵandaı, bul tehnologıany Qazaqstandyq jol ǵylymı-zertteý ınstıtýty (QazjolǴZI) ázirlep, Respýblıkalyq mańyzy bar avtojolda synap kórdi», - dep atap ótti basqarma.
Qalalyq mobıldilik basqarmasy jumys kezeńinde qozǵalysqa eshqandaı shekteýler boljanbaıtynyn atap ótti. Sonymen qatar, kóshe-jol jelisin aǵymdaǵy jóndeý boıynsha negizgi jumystardy aýdan ákimdikteri men QMB kóktemgi-jazǵy kezeńde júrgizetin bolady.
Esterińizge sala keteıik, aǵymdaǵy jyly qalalyq mobıldilik basqarmasy jelisi boıynsha 300 shaqyrym joldy ortasha jóndeý, 35 shaqyrym jańa jol salý, Seıfýllın–Jansúgirov jolaıryǵyn, Rysqulovtan Móńke bıge deıingi Saıyn kóshesi men Abaı dańǵylynyń qala shekarasyna deıingi aralyqtaryn iske qosý josparlanǵan. Bul jumystar sapaly joldardyń úlesin 2024 jylǵy 92% - dan 2025 jyly 95% - ǵa deıin ulǵaıtýǵa múmkindik beredi.