2023 jyly áleýmettik salaǵa 8 trln teńge kóleminde qarajat josparlanyp otyr.
2023-2025 jyldary respýblıkalyq búdjettiń negizgi úlesi áleýmettik salaǵa baǵyttalady. Bul týraly QR Premer-Mınıstriniń orynbasary – Qarjy mınıstri Erulan Jamaýbaev Úkimet otyrysynda aıtty, dep habarlaıdy Almaty-akshamy.kz QazAqparatqa silteme jasap.
«Búdjet shyǵystarynyń qurylymyn qaraıtyn bolsaq, onyń negizgi úlesi áleýmettik salaǵa keledi. 2023 jyly áleýmettik salaǵa 8 trln teńge kóleminde qarajat josparlandy. Shyǵystar zeınetaqy men járdemaqy tóleýge, bilim berý, densaýlyq saqtaý salalaryn, mádenıet jáne sportty damytýǵa, jastardy yntalandyrýǵa baǵyttalatyn bolady», - dedi Erulan Jamaýbaev.
Mınıstrdiń aıtýynsha, ekonomıkanyń naqty sektoryn damytýdy qoldaýǵa 2023 jylǵa 2,1 trln teńge kózdeldi.
«Atalǵan baǵyttyń basymdyqtary – óńdeý ónerkásibin damytý, aımaqtarda ınfraqurylymdyq jobalardy iske asyrýdy jalǵastyrý; kásipkerlikti, kishi jáne orta bıznesti damytý jáne qoldaý, kólik jáne gaz tasymaldaý júıesin damytý bolyp otyr», - deıdi Qarjy mınıstri.