Shveısarıanyń IQAIR aýa sapasyn baqylaý kompanıasy reıtıń jasady.
Reıtıń boıynsha Qaraǵandy álemdegi aýasy eń las 30 qalanyń qataryna endi, dep habarlaıdy Almaty-akshamy.kz Ulysmedia.kz-ke silteme jasap.
Reıtıńte Qaraǵandy 23-orynda tur.
14 naýryzda jarıalanǵan málimetterge súıensek, Qaraǵandyda aýanyń lastaný ındeksi – 77,8. 2021 jyly ol 75,5 bolsa, bir jylda kórsetkish aıtarlyqtaı ósken. Qazaqstannyń qalasy Úndistan qalalarymen shamalas deńgeıde tur, al ol – eń las memleketterdiń biri.
IQAIR zıandy bólshekterdiń sanyn sanaý arqyly aýa sapasyn ólsheıdi. DDU bul bólshekterdiń aýadaǵy konsentrasıasy tekshe metrge orta eseppen 10 mıkrogrammnan aspaýy kerek deıdi.
2022 jyly Qazaqstandaǵy aýanyń lastaný deńgeıi nasharlady. Zertteýler kórsetkendeı, kórsetkishter ruqsat etilgen álemdik standarttardan úsh ese asyp túsken.
Aıta ketsek, byltyr qalalardyń lastaný deńgeıi boıynsha elder reıtıńinde Qazaqstan álemdegi 115 eldiń ishinde 33-oryndy ıelengen.