Batystaǵy sıklon shapshań jyljyp keledi.
«Qazgıdromet» RMK sınoptıkteri Qazaqstandaǵy 13-15 qańtar aralyǵyna arnalǵan aýa raıy boljamyn usyndy, dep habarlaıdy Almaty-akshamy.kz
«Kezekti antısıklon Qazaqstan aýmaǵynan ketip, aıazdy da yǵystyryp jatyr», – delingen habarlamada.
Batystaǵy sıklon shapshań jyljyp keledi. Ol 15 qańtarda Qazaqstannyń barlyq oblysyn qamtyp, elge jaýyn men qar, ekpindi jel jáne kóktaıǵaq alyp keledi.
«Al termometr kórsetkishi joǵary kóteriledi. Tipti soltústik óńirlerde de kúndizgi ýaqytta aýa temperatýrasy 0 jáne mınýs 5 gradýs aralyǵynda bolady dep kútilýde», – dedi mamandar.