Kúdikti 10 jylǵa sottalýy múmkin
Qyzylordada azamattarǵa jalǵan avtokólik nesıelerin rásimdep berýmen aınalysqan adam ustaldy, dep habarlaıdy almaty-akshamy.kz.
«30 qańtar kúni Bas prokýratýranyń úılestirýimen Qyzylorda qalasynda asa iri kólemde alaıaqtyq qylmys boıynsha kúdikti R.Q.Qarjaýov ustaldy. İsti tergeý barysynda onyń 2021-2022 jyldary adamdar tobymen azamattarǵa jalǵan avtokólik nesıelerin rásimdegendigi anyqtalǵan», - dep jazylǵan vedomstvo habarlamasynda.
Aláqtyq áreketten 235 adam zardap shegip, olarǵa keltirilgen zalal 2,9 mlrd teńgeni quraǵan.
Tergeý barysynda Qarjaýov tergeýden jaltaryp, izdeýge jarıalanǵan.
QR Bas prokýratýrasynyń habarlaýynsha, Qarjaýov qazirgi ýaqytta Qyzylorda qalasyndaǵy tergeý ızolátoryna qamalǵan. Oǵan taǵylǵan qylmysty jasaǵany úshin múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, on jylǵa deıingi merzimge bas bostandyǵynan aıyrý túrindegi jaza qarastyrylǵan.