Naýryz qarsańynda merekelik sharalarǵa shekteý qoıylmaıdy. Bul týraly QR Densaýlyq saqtaý mınıstri Ajar Ǵınıat aıtty, dep habarlaıdy Almaty-akshamy.kz
«Qazir epıdahýaldyń jaqsarýyna baılanysty barlyq shekteý alynyp tastaldy. Endi burynǵy kovıdsiz ómirdi qaıta qalpyna keltirý kerek. Sondyqtan barlyq merekelik sharalarǵa shekteý qoıylmaıdy», - dep jaýap berdi A. Ǵınıat ortalyq komýnıkasıalar qyzmetindegi baspasóz máslıhatynda tilshi suraǵyna.
Degenmen, mınıstr ár adam óz densaýlyǵyn oılaýy keregin, aýyryp júrgender erikti túrde oqshaýlanýy qajettigin aıtty.
«JRVI nemese qandaı da bir tumaýmen aýyryp júrgender adam kóp jınalatyn oryndarǵa barmaǵany durys», - dedi Ajar Ǵınıat.
Aıta keteıik, naýryz aıynda koronavırýspen syrqattaný kórsetkishi 33 ese tómendegen. Qazir Qazaqstan Respýblıkasy men barlyq óńirler jasyl aımaqta ornalasqan.