- Ózderińiz biletindeı, merzimnen tys prezıdenttik saılaý boldy. Atalǵan prosesti saıası sarapshy retinde ózimizshe baqylaǵan edik. Oǵan negizinen sheteldik jáne otandyq baqylaýshylar óz baǵasyn berdi. Exit poll málimetterin de kórdik. Osyǵan baılanysty «dóńgelek ústel» ótkizdik. Bylaısha aıtqanda, elimizde jasalyp jatqan tujyrymdamalardy jáne bolashaqta bolatyn tendensıalardy zerdeleýdemiz.
Saılaý óz deńgeıinde ótti degen qorytyndyǵa keldik. Alaıda, asa bir dúrliktirerlikteı kóp jańalyq bola qoımady. Muny saıası turǵydan baǵa beretin bolsaq, óte tartysty ári qyzý ótti dep aıta almaımyz.
Qazir baǵamdap qarasańyzdar, túrli ózgeris bolýda. Álemde saıası turaqsyzdyq júrip jatyr. Onyń da áseri bar. Bizge halyqtyń muń-muqtajyn tyńdap, áleýmettik áleýetin jaqsartatyn bılik kerek. Osy ustanymnan aınymaıtyn bolsaq, kóptegen ıgi isterdi iske asyramyz. Prezıdent 7 jylda oıǵa alǵan isterin jasaı alady. Burynǵydaı 4-5 jyl bolsa, alǵashqy 2 jylynda tek zertteýmen aınalysyp, odan keıingi 2 jylynda úırenýmen aınalysar edi. 7 sany qazaq úshin kıeli sanalady. Jalpy aıtqanda, osynyń bárin eskerip aıqyndasaq, alda jaqsylyqtyń lebi esedi dep seneıik.
Qoǵam turaqtylyqty ańsaıdy. Sońǵy qańtar oqıǵasy qabyrǵamyzdy qaıystyryp ketti. Sondyqtan tynyshtyqty kópshilik durys kórýde. Bir sózben aıtqanda, saılaý tynyshtyq, baıyptylyqpen óte shyqty. Saıysqa shyǵatyn saıasatkerlerdiń doda ýaqytynda shyǵatyny shyqty, shyqpaǵandarynyń ishi biledi. Budan keıin Parlament Májilisiniń saılaýy tur. Sol kezde belsendilik tanytatyndar bolyp qalar. Bul da bir beles. Oıdy túıindeı kele, saılaý durys ótti demekpiz.