Arqanyń aıazy qaharyna mindi.
Astanada birneshe kún buryn jaıaý júrginshiler joly kóktaıǵaqqa aınalǵan edi. Sodan beri kósheler áli tolyq tazalanyp bitpeı jatyr, dep habarlaıdy Almaty-akshamy.kz 24.kz-ke silteme jasap.
Aıaqtaryna kónkı kıip, emin-erkin syrǵanaǵandardy kórseńiz, tań qalýdyń qajeti joq. Bas qalanyń ortalyǵynda trotýarlar kóktaıǵaqqa aınaldy. Birneshe kúnnen beri jurttyń júris-turysy birshama qıyndady. Tipti keı turǵyndar qystyq aıaq qıimin kónkıge aıyrbastaı bastady.
Etigin kónkıge aýystyrǵan turǵynnyń biri - Dıas Ábdirahman. Kóktaıǵaqty ermegine aınaldyrǵan ol kónkıdi kólik etip júr. "Kóshedegi aınadaı muzdy kórip, erkin syrǵanýǵa bolatynyn baıqadym", - deıdi ol.
«Jumystan shyqqanda, kóktaıǵaqty kózim shaldy. Kóshedegi aınadaı muzdyń ústimen kónkı arqyly syrǵanaýǵa bolatynyn birden baıqadym. Osylaısha, qyzyǵýshylyqpen vıdeoǵa túsirip, áleýmettik jelige júktedim. Artyq astar bolmady. Biraq, sol beınetaspadan keıin ákimdiktegiler men júrip ótken joldy qaıta qalpyna keltirdik dep habarlady», - deıdi qala turǵyny Dıas Ábdirahman.
Kóshedegi qalyń muz bireýge ermek bolsa, endi bireýler jerge qulap, jaraqat alamyz ba dep úreılenedi. Trotýardan bólek, aıaldamalardaǵy muz da áli alynbaǵan. "Adymdy ańdyp basatyn boldyq", - deıdi turǵyndar.
«Tańerteń jumysqa barǵanda qınalamyz. Shyqqanda qulaımyz ǵoı. Bizde jumysta bir qyz qulap qalyp, qolyn syndyryp aldy», - deıdi turǵyndardyń biri.
«Adamǵa óte qaýipti. Júrý óte qıyn. Osy jyly 5-6 ret quladym. Biraq shama kelgenshe esh jerdi syndyrmaýǵa, aýyrtpaýǵa tyrysamyz. Qıyndaý», - deıdi taǵy bir astanalyq turǵyn.