Jedel járdem brıgadasy 54 jastaǵy áıeldi Almaty qalasynyń № 7 qalalyq klınıkalyq aýrýhanasyna ınsýltqa kúdikpen jańa jyldyń alǵashqy kúnderi jetkizdi. Áıeldiń sol aıaq-qoldardyń álsizdigi, sóıleý qyzmetiniń buzylýy, qan qysymynyń kenetten kóterilýine shaǵymdary boldy.
Pasıentti kezekshi nevrolog dáriger, reanımatolog jáne qan tamyrlary neırohırýrgi tekserip-qaraý kezinde qan tamyrlarynyń buzylýyna kúdiktendi. Biraq, bas mıyna jasalǵan KT patologıalyq ózgerister kórsetken joq, EKG - eleýli aýytqýlar anyqtalǵan joq, sonda da klınıkalyq belgilerdi eskere otyryp, odan ári tromboekstraksıalaý arqyly mıǵa suryptamalyq angıografıa jasaýǵa sheshim qabyldaıdy.
Mı –tamyrlyq aýrýy dıagnozy qoıyldy. Oń orta mı arterıasy baseınindegi ıshemıalyq ınsýlt, (aterotrombotıkalyq kishi túri) boıynsha mı qan aınalymynyń jiti buzylýy. Sátti trombekstraksıadan keıin, pasıent trombozdyń aldyn alý, qan qysymyn turaqtandyrý jáne gemodınamıka úshin jiti baqylaý jáne qarqyndy terapıa úshin reanımasıa bólimshesine aýystyryldy. Durys jasalǵan dıagnostıka men sátti júrgizilgen emniń nátıjesinde nevrologıalyq sımptomatıka báseńdedi.
Ýaqytyly dıagnostıka men emdeýdiń, angıografıa, trombekstraksıa sıaqty zamanaýı tekserý ádisterin qoldanýdyń arqasynda dárigerler pasıenttiń densaýlyǵyna jáne ómirine qaýip tóndiretin jaǵdaılardyń aldyn alýǵa qol jetkizdi. Kelesi kúni pasıenttiń júıke júıesiniń qyzmeti qalpyna kelip, jaı-kúıi aıtarlyqtaı jaqsarǵany baıqaldy.
«Bul klınıkalyq jaǵdaı mı qan aınalymynyń ótkinshi buzylýlary kezinde jedel dıagnostıka men terapıanyń óte mańyzdylyǵyn kórsetedi. Odan ári emdeý kórsetkishteri bulshyq et kúshiniń 5 balǵa deıin tolyq qalpyna kelip, oń ózgeris baıqaldy. Sóıleý qyzmeti tolyq qalpyna keldi. Qan aınalymy turaqtandy. Odan ári aýrýdyń aldyn alý úshin gıpotenzıvti terapıa tańdaldy»,- dedi № 2 ınsýlt bólimshesiniń nevrolog-ınsýltolog dáriger Aqjol Arıphan.
Pasıent mekenjaıy boıynsha ambýlatorıalyq emdeýge jiberildi, nevrologıalyq aýrýlardyń belgileri tolyǵymen qaıtty.
Pasıent «Jetinshi» aýrýhananyń dárigerlerine joǵary deńgeıde medısınalyq kómek kórsetkeni úshin alǵysyn bildirdi: «Bizdiń qazaqstandyq medısına zamanmen qatar damyp kele jatqany qýantady jáne aýrýhanalarda medısınalyq kómek kórsetý úshin klınıkada qajetti zamanaýı medısınalyq jabdyqtar bar, árıne, bul óz isiniń sheberleri bilikti dárigerler men meıirbıkelerdiń jáne isine adal sanıtarlardyń eńbeginiń nátıjesi».
Insýltolog-dáriger álsizdik, bettiń assımetrıasynyń buzylýy, túsiniksiz sóıleý nemese qan qysymynyń kenetten kóterilýi sıaqty nevrologıalyq buzylýlardyń alǵashqy belgileri paıda bolǵan keznde dereý medısınalyq kómekke júginý qajettigin atap ótti.