Sınoptıkter 9 tamyz kúni el aýmaǵynda aýa raıy qandaı bolatynyn aıtty, dep habarlaıdy almaty-akshamy.kz «Qazgıdromet» RMK silteme jasap.
Elimizdiń ortalyǵy Pavlodar oblysynyń ústindegi sıklon respýblıkanyń soltústiginde, shyǵysynda, ońtústik-shyǵysynda jáne ortalyǵynda turaqsyz aýa raıyna sebepshi bolady.
Sonyń áserinen jańbyr jaýady, naızaǵaı bolady, soltústikte, soltústik-shyǵysta qatty jańbyr jaýady, jekelegen aýdandarda burshaq jáne daýyl kútiledi. Elimizdiń batysy men ońtústiginde jaýyn-shashynsyz aýa raıy saqtalady.
Respýblıka boıynsha keı jerlerde jel kúsheıedi, ońtústikte shańdy daýyl soǵady.
Qaraǵandy, Soltústik Qazaqstan, Pavlodar oblystarynyń keı jerlerinde naızaǵaı, burshaq, daýyl kútiledi. Jel qarqyny 15-20 m/s deıin kúsheıedi.
Qaraǵandy oblysynda jel jyldamdyǵy 25 m/s jetedi.
Túnde Pavlodar oblysynyń keı jerlerinde tuman bolady.
Aqmola oblysynyń keı jerlerinde naızaǵaı jarqyldaıdy, jel ekpini – 15-20 m/s. Kúndiz burshaq jaýyp, daýyl turady.
Shyǵys Qazaqstan oblysynyń keı jerlerinde – naızaǵaı, burshaq. Sekýndyna 15-20 metr jyldamdyqpen jel soǵady.
Jambyl oblysynda kúndiz taýly aýdandarda naızaǵaı oınap, burshaq jaýady. Jel qarqyny – 15-20 m/s. Shańdy daýyl bolady.
Kúndiz Almaty oblysynyń keı jerlerinde kún kúrkireıdi. Naızaǵaı kezinde jel ekpini 18-23 m/s deıin kúsheıedi.
Túrkistan, Qyzylorda, Mańǵystaý oblystarynyń keı jerlerinde kúndiz jeldiń kúshi 15-20 m/s jetedi, shańdy daýyl turady.
Atyraý, kúndiz Batys Qazaqstan, Qostanaı oblystarynyń keı jerlerinde jel jyldamdyǵy 15-20 m/s shamasynda bolady. Kúndiz Atyraý oblysynda óte qatty ystyq saqtalady.
Mańǵystaý oblysynyń basym bóliginde qatty ystyq, oblystardyń ońtústiginde óte qatty ystyq, Batys Qazaqstan oblysynyń keı jerlerinde aptap ystyq bolady.
Qyzylorda, Túrkistan, Mańǵystaý, Atyraý, Jambyl, Aqtóbe oblystarynyń basym bóliginde, Qaraǵandy, Almaty, Batys Qazaqstan oblystarynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady.