6 sáýir kúni Qazaqstan aýmaǵynda jaýyn-shashynsyz aýa raıy saqtalady, dep habarlaıdy Almaty-akshamy.kz «Qazgıdrometke» silteme jasap.
Eldiń soltústiginde, batysynda, ortalyǵy men ońtústiginde, sondaı-aq taýly aımaqtarda jańbyr jaýýy yqtımal. Respýblıka boıynsha jeldiń kúsheıýi, soltústikte, batysta tuman, ońtústik-batysta shańdy daýyl, ońtústikte, taýly aımaqtarda naızaǵaı boljanady.
Túrkistan oblysynyń taýly aımaqtarynda naızaǵaı kútiledi. Túnde jáne tańerteń taýly aýdandarynda jel 15-20 m/s kúsheıedi.
Mańǵystaý oblysynyń soltústiginde, ońtústik-shyǵysynda shańdy daýyl turady. Óńirdiń batysynda, soltústiginde, ońtústik-shyǵysynda jeldiń kúshi 15-20 m/s artady.
Qostanaı oblysynyń ońtústik-shyǵysynda tuman bolady. Kúndiz óńirdiń soltústiginde jeldiń ekpini 15-20 m/s deıin artady.
Aqmola oblysynyń soltústiginde jeldiń jyldamdyǵy 15-20 m/s kúsheıedi. Túnde jáne tańerteń óńirdiń ońtústiginde tuman boljanady.
Soltústik Qazaqstan oblysynyń batysynda, soltústiginde jeldiń ekpini 15-20 m/s kúsheıedi. Túnde jáne tańerteń óńirdiń ońtústiginde tuman kútiledi.
Kúndiz Atyraý oblysynyń ońtústiginde jáne shyǵysynda, Batys Qazaqstan oblysynyń batysynda jeldiń kúshi 15-20 m/s artady.
Kúndiz Qyzylorda oblysynyń shyǵysynda naızaǵaı oınap, ortalyǵynda jeldiń ekpini 15-20 m/s quraıdy.
Túnde Aqtóbe oblysynyń batysynda, ortalyǵynda tuman bolady. Kúndiz Qaraǵandy oblysynyń soltústiginde, Shyǵys Qazaqstan oblysynyń batysynda jel 15-20 m/s deıin kúsheıedi.