Dúbirli doda 20 mamyrda máresine jetedi
Bokstan áıelder arasyndaǵy álem chempıonatynda 5 qazaqstandyq boksshy jartylaı fınalda baq synaıdy, dep habarlaıdy Almaty-akshamy.kz QazAqparatqa silteme jasap.
Túrkıanyń Ystanbul qalasynda ótip jatqan álem chemppıonatynda bes qazaqstandyq boksshy jartylaı fınalǵa shyqty. Olar: Alýa Balqybekova (48 keli), Jaına Shekerbekova (52 keli), Dına Jolaman (54 keli), Karına Ibragımova (57 keli), Valentına Halzova (70 keli) bar.
Al Gúlsaıa Erjan (81 keli) shırek fınaldaǵy jekpe-jeginde qarsylasyna ese jiberip, jartylaı fınal joldamasynan tys qaldy.
Sondaı-aq odan buryn Nazym Qyzaıbaı (50 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli), Nadejda Rábes (75 keli) jáne Lázzat Kúngeıbaeva (81 keliden joǵary) jarys jolynan shyqqan edi.
Dúbirli doda 20 mamyrda máresine jetedi. Qazaqstan aýmaǵynda tikeleı kórsetilimdi «Qazsport» telearnasy qamtamasyz etip otyr.