Respýblıka boıynsha keı jerlerde jel kúsheıedi, ońtústikte shańdy daýyl kútiledi, ońtústik-shyǵysta burshaq bolady.
"Qazgıdromet" 22 tamyzǵa arnalǵan aýa raıy boljamyn jarıalady, dep habarlaıdy Almaty-akshamy.kz QR Densaýlyq saqtaý mınıstrliginiń Telegram kanalyna silteme jasap.
Qazaqstan aýmaǵynyń basym bóliginde antısıklon áserinen jaýyn-shashynsyz aýa raıy kútiledi. Tek respýblıkanyń soltústiginde, kúndiz batysy men ońtústik-shyǵysynyń taýly aýdandarynda atmosferalyq frontaldy bólikterdiń ótýimen naızaǵaı oınap, jańbyr jaýady. Respýblıka boıynsha keı jerlerde jel kúsheıedi, ońtústikte shańdy daýyl kútiledi, ońtústik-shyǵysta burshaq bolady. Qyzylorda oblysynyń ońtústik-shyǵysy men ońtústiginde túnde, kúndiz basym bóliginde jel 15-20 m/s deıin kúsheıedi, daýyl bolady. Túrkistan oblysynyń batysynda jáne taýly aýdandarynda jel 15-20 m/s, shańdy daýyl bolady. Kúndiz Jambyl oblysynyń taýly aýdandarynda naızaǵaı, burshaq, soltústik-shyǵysynda shańdy daýyl, soltústik-shyǵysy men ońtústik-batysynda 15-20 m/s jel bolady. Pavlodar oblysynyń soltústiginde jáne soltústik-batysynda, kúndiz Batys Qazaqstan oblysynyń batysynda naızaǵaı, 15-20 m/s jel bolady. Kúndiz Aqmola oblysynyń soltústik-shyǵysynda, Soltústik Qazaqstan oblysynyń shyǵysynda naızaǵaı kútiledi. Qaraǵandy oblysynyń ońtústiginde 15-20 m/s jel kútiledi. Kúndiz Atyraý, Batys Qazaqstan, Aqtóbe oblystarynyń basym bóliginde óte qatty ystyq saqtalady, Mańǵystaý, Qostanaı oblystarynyń ońtústiginde, Aqmola, Soltústik Qazaqstan oblysynyń ońtústik-batysynda qatty ystyq boljanady. Qyzylorda, Túrkistan, Mańǵystaý, Atyraý, Jambyl, Aqtóbe, Batys Qazaqstan, Almaty oblystarynyń basym bóliginde, Qaraǵandy oblysynyń keı jerlerinde, Qostanaı, Shyǵys Qazaqstan oblystarynyń ońtústiginde, Aqmola oblysynyń jekelegen aýdandarynda tótenshe órt qaýpi saqtalady.