2021 jyly qala turǵyndarynyń bastamasymen «Halyqtyń búdjetke qatysýy» baǵdarlamasy boıynsha 256 joba júzege asty, dep habarlaıdy Almaty-akshamy.kz.
Baspasóz týry barysynda «Halyqtyń búdjetke qatysýy» baǵdarlamasy aıasynda júzege asyrylǵan jobalar usynyldy. Olardyń ishinde: sport alańy, skver, vorkaýt aımaǵy, oıyn alańy, ıtterdi serýendetýge arnalǵan saıabaq bar.
2019 jyly Almaty ákimdigi Qazaqstanda alǵash ret «Halyqtyń búdjetke qatysýy» pılottyq jobasyn iske asyrýdy bastady, onyń maqsaty – turǵyndardyń bastamalary men usynystary negizinde qala aýdandaryn damytý jáne abattandyrý.
«2021 jyly qala turǵyndary óz aýlalaryn, kóshelerin jáne aýdandaryn damytý jáne abattandyrý jóninde 934 usynys berdi. Ótken jyldyń qorytyndysy boıynsha qalalyqtardyń bastamasymen Almatyda quny 5,4 mlrd teńge bolatyn 256 joba iske asyrylyp, paıdalanýǵa berildi», - dedi Almaty qalasy qarjy basqarmasynyń bólim basshysy Aızat Qaljanova.
Baspasóz týry barysynda jýrnalıserge Áýezov aýdanynda salynǵan sport alańy kórsetildi. Bul jobanyń avtory - qala turǵyny Iýlıa Djarokova. Ol kópir astyndaǵy keńistikti abattandyrýdy usynǵan edi.
«Men ósip kele jatqan jasóspirimniń anasy retinde balamnyń qaı jerde shynyǵýy múmkin dep oryn izdedim. Jaqyn jerde qolaıly jer bolǵan joq. Baǵdarlama týraly bilip, qatystym. İske asyrý ıdeıasyn qaǵazǵa túsiriip, júzege asyrdym, endi mine, bul bizdiń aýdannyń kórikti jeriniń birine aınaldy. Osy múmkindikti kópshiliktiń paıdalanýyna keńes beremin. Ótinim berińizder. Jobalardy iske asyryńyzdar», - dedi sport alańy jobasynyń avtory Iýlıa Djarokova.
«Ótken jyldyń qorytyndysy boıynsha, Áýezov aýdanynda quny 443,6 mln teńge bolatyn 22 joba júzege asty. Mysaly, Saın-SHalápın kóshesi aýmaǵy, Saın-Jubanov kóshesi kópiriniń astyndaǵy sport alańy, Tóle bı kóshesi men Iassaýı kóshesindegi jaıaý júrginshiler aımaǵy jóndeldi. Negizinen adamdar ortaq aımaqtardy, skverlerdi abattandyrýǵa, trotýarlardy jóndeýge, balalar alańdaryn salýǵa baılanysty ótinimder beredi», - dedi Almaty qalasy Áýezov aýdanynyń ákimi Saıran Saıfedenov.
Aǵymdaǵy jyldyń 1 maýsymynan bastap Almatyda «Halyqtyń búdjetken qatysýy» aıasynda jobalyq usynystardy qabyldaý bastaldy, olardy iske asyrý 2023 jylǵa josparlanýda. Ótinim berý merzimi budget.open-almaty.kz. saıty arqyly 20 shildege deıin. Bir jobanyń eń joǵary quny 61,2 mln teńgeden aspaıdy.