Aldaǵy demalys kúnderi saǵat 8.00-den 17.00-ge deıin Almatyda Almaty oblysynyń jaqyn mańdaǵy aýdandarynyń (Qarasaı, Jambyl, İle, Talǵar jáne Eńbekshiqazaq) sharýa qojalyqtarynyń, sondaı-aq Almaty qalasynyń azyq-túlik kásiporyndarynyń qatysýymen «demalys kúnderindegi» aýyl sharýashylyq jármeńkeleri ótkiziledi, dep habarlaıdy Almaty-akshamy.kz.
Assortımentte 50-den astam ónim ataýy bar (et-sút, jemis-kókónis, shujyq ónimderi, jemister, un, jarma, ósimdik jáne janýarlar maılary jáne t.b.). Barlyǵy 300 tonnadan astam ónimder qoıylady.
«Demalys kúnderindegi» jármeńkeler apta saıyn ótedi. Jyl basynan beri Almaty qalasynda 296 jármeńke ótkizildi. Ónimniń baǵasy ortasha naryqtaǵy esepten 15-20%-ǵa tómen.
«Demalys kúnderindegi» aýylsharýashylyq jármeńkeleri kelesi meken-jaılar boıynsha ótedi:
- Almaly aýdany (Gogol - Masanchı kóshesi);
- Bostandyq aýdany («Qazaqfılm» sh/a);
- Áýezov aýdany (Abaı dańǵyly - Ótegen batyr kóshesindegi qıylysy);
- Medeý aýdany (Meńdiqulov - Bekturov kósheleriniń qıylysy jáne Shevchenko - Qonaev kósheleriniń qıylysy).