Ресей Қытайға газ экспорттау үшін Қазақстан арқылы жаңа бағыт құруды қарастырып жатыр. «Коммерсант» мәліметіне сүйенсек, ол Моңғолия арқылы салынады деп жоспарланған «Сібір қуаты 2» жобасына балама бола алады, деп хабарлайды aqshamnews.kz
Ресей Қазақстан арқылы газ құбырын салудың екі нұсқасын ұсынады:
- «Алтай» жобасын қайта жандандыру
Бұл нұсқа 2016 жылы тоқтатылған «Алтай» жобасын қайта қолға алуды көздейді. Жоба бойынша газ құбыры Ямалдағы газ кеніштерінен басталып, Қытайдың батыс аймақтарына дейін 2,6 мың шақырымды құрайды. Бұл жағдайда Қазақстанға Абай, Павлодар және Қарағанды облыстарын газдандыру үшін жаңа газ құбыры салу қажет болады.
2. Шығыс Қазақстан арқылы күрделі маршрут
Екінші нұсқа бойынша газ құбыры Қазақстанның шығыс өңірлерінен, Абай мен Жетісу облыстары арқылы өтеді. Бұл маршрут Қытайдың «Батыс — Шығыс» газ құбыры жүйесіне Қорғас арқылы қосылады. Бұл нұсқа «Алтай» жобасының жаңартылған нұсқасы болып табылады және Қазақстан үшін тиімдірек болуы мүмкін. Себебі, жобаның негізгі бөлігі «Газпром» мен Қытайдың CNPC компанияларының мойнында болады, бұл Қазақстанның қаржылық жүктемесін азайтуға мүмкіндік береді.
-
Газ құбырының «орта Азия — Орталық» жүйесін реверс режиміне ауыстыру
Үшінші нұсқа ретінде «Орта Азия — Орталық» газ құбыры жүйесін реверс режиміне ауыстыру ұсынылады. Бұл әдіс Қазақстан мен Өзбекстанмен ранайы келісімге келу арқылы жүзеге асады. Тікелей жеткізілімдер мүмкін болмаған жағдайда бұл әдіс тиімді болып табылады.
«Газпром» үшін тиімді шешім
Бұл тәсіл «Газпром» үшін өте тиімді болады, өйткені ол жобаның икемділігін қамтамасыз етеді және жоғары пайыздық ставкалар жағдайында капиталдық шығындарды азайтады.
Қазақстан үшін бұл газ маршрутының әртүрлі нұсқалары экономикалық тұрғыдан тиімді болуы мүмкін, әрі олар еуропалық және қытайлық нарықтарға газ экспорттауды арттыруға мүмкіндік береді.