Алматы қаласы бойынша Қылмыстық-атқару жүйесі департаментіне қарасты №11 мекеменің режим және күзет бөлімі бастығының орынбасары әділет майоры Мақсат Мұратбаев пен тәрбие бөлімінің қызметкері Еркегүл Жеңісхан Алматы технология және флористика колледжінің студенттеріне дәріс өтті. 
"Жасөспірімдердің қылмыстық жауапкершілігі" деген тақырып төңірегінде өткен сабақтың мақсаты – жеткіншектердің құқықтық сауатын арттыру, Мемлекет басшысының елімізде "Заң және тәртіп" қағидатын біржола орнықтыру туралы тапсырмасына үн қосу. "Жастарға заң мен тәртіп туралы ұдайы әңгімелеп отырудың артықтығы жоқ. Өйткені құқықтық тәрбие олардың болашақта заң бұзбай, қылмысқа ұрынбай, жақсы өмір сүруіне, қоғамнан өз орнын табуына ықпал етері сөзсіз. Біз бүгін студенттерге баршамыз заң мен тәртіпті сақтай білсек, еліміздің экономикалық-әлеуметтік дамуына да үлес қоса алатынымыз жайлы да айттық", – дейді әділет майоры Мақсат Мирахунұлы.
Балалар колониясының өкілдері студенттердің заң, құқық, азаматтық жауапкершілік тұрғысында қойылған сауалдарына да жауап берді.