Қазақстанда дәрілік заттардың цифрлық таңбалау және қадағалау жүйесіндегі дәрілік айналымның барлық қатысушыларының интеграциясы аяқталды.
Бүгінгі таңда жүйеде 19 отандық тауар өндіруші, 276 көтерме сату субъектісі, 8000-нан астам дәріхана және 1900-ден астам медициналық ұйым жұмыс істейді, деп хабарлайды aqshamnews.kz.
Ірі дистрибьюторлар таңбаланған препараттардың 60,9 млн қаптамасын әкелуді жүзеге асырды, оның 46 млн-ы айналымға енгізілді. Дәріхана ұйымдары 48,4 миллион қаптама қабылдады, ал айналымнан шығарылған дәрі-дәрмектердің саны 29,2 миллион қаптаманы құрады.
Цифрлық таңбалау енгізілген сәттен бастап, 2024 жылғы 1 шілдеден бастап отандық өндірістің 110,4 млн қаптамасы таңбаланды, 76,8 млн.айналымға енгізілді.
Бұл ретте ҚР Денсаулық сақтау министрлігі дәрілік заттарды таңбалау мен қадағалаудың ақпараттық жүйесінде (МПТ АЖ) дәрі-дәрмектерді уақтылы қабылдау мен айналымнан шығарудың тұрақты мониторингін жүзеге асырады.
Мәселен, 2025 жылдың наурыз айының соңындағы жағдай бойынша медициналық ұйымдарда таңбаланған дәрілік препараттардың шығу деңгейі 53,2%-ды құрады, бұл қаңтар айының соңындағы көрсеткіштермен салыстырғанда 17,1%-ға жоғары. Дәріхана ұйымдарында таңбаланған дәрілік заттардың айналымынан шығару ұқсас кезеңде 24,3%-ға өсіп, 60,3%-ды құрады.
Сонымен қатар, Денсаулық сақтау министрлігі таңбалау операторымен айналымға қатысушыларды оқыту және консультация беру бойынша жүйелі жұмысты, сондай-ақ дәрі-дәрмек айналымының барлық кезеңдерінде бақылау тиімділігі мен ашықтығын арттыру үшін ақпараттық жүйелердің талдамалық модулдерін жетілдіру процесін жалғастыруда.
Қазақстанда барлық дәрі-дәрмектерді міндетті цифрлық таңбалау 2024 жылдың 1 шілдесінен бастап енгізілгенін - бұл шара контрафактілік өнімдермен күресуге және дәрі-дәрмектер нарығының ашықтығын арттыруға бағытталғанын естеріңізге сала кетейік. 2024 жылғы қарашада таңбалау және қадағалау жүйесін одан әрі дамыту жөніндегі жол картасы бекітілді, онда жобаның техникалық және ұйымдастырушылық дамуының негізгі бағыттары айқындалды.