Белгілі блогер Елдос Колобок ұлын перзентханадан шығарып, оған қандай есім қойғанын жариялады, деп хабарлайды Aqshamnews.kz тілшісі.
Блогер жаңа туған сәбиіне «Әлем» деген есім берді. Ол бұл таңдауды ұлының кең дүниені танитын, еркін саяхаттайтын және әлемге ашық азамат болып өсуімен байланыстырды.
"Бүгін біз үлкен жаңалықпен бөліспекпіз. Жер бетіне келген жаңа өмірмен таныстырайық. Балам қош келдің біздің әлемге, Бағзат Әлем Елдосұлы. ӘЛЕМ -шексіздік, кеңдік, еркіндік. Әлемге үлгілі азамат бол, біздің ғажап әлемді аралап, әлемді бағындырып, жақсы жағынан әлемге танымал бол. Саған бізді танитын әлем тілеулес болды, сол себепті есімің Әлем", - деп жазды блогер.
Айта кетейік, Елдос Колобоктың отбасындағы бұл қуаныш бірнеше жылдан кейін дүниеге келген көптен күткен перзент.