Қазақстанда 18–20 қарашаға арналған ауа райы болжамы жарияланды, деп хабарлайды Aqshamnews.kz тілшісі.
РГП «Қазгидромет» синоптиктерінің мәліметінше, алдағы күндері еліміздің басым бөлігінде атлантикалық циклонның әсерінен ауа райы тұрақсыз болады. Республиканың көп аймағында жаңбыр мен қар, солтүстік өңірлерде боран және көктайғақ күтіледі.
Тек 19–20 қарашада еліміздің оңтүстік-батысында, сондай-ақ шығыстың бір бөлігінде антициклонның ықпалынан жауын-шашынсыз ауа райы сақталады. Республика бойынша тұман түсіп, желдің күшеюі болжанып отыр.
«Температуралық фон бірқалыпты сақталады. Тек шығыс өңірлерде түнгі уақытта ауа температурасы –6…–23°С, ал күндіз +2…+10°С шамасында болады», – деп хабарлады «Қазгидромет».
Синоптиктер тұрғындарды ауа райының құбылмалы болуына байланысты сақтық шараларын сақтауға шақырады.